‘సైరాట్’ దర్శకుడు మరీ ఇంత నీచుడా? మాజీ భార్య షాకింగ్ కామెంట్స్

18, 19 ఏళ్లకే పెళ్లి జరిగింది

‘నాకు 18-19 సంవత్సరాలు ఉన్నపుడు నాగరాజుతో పెళ్లి జరిగింది. ఆ సమయంలో నాగరాజ్ సినిమా దర్శకుడు అయ్యేందుకు కష్టపడుతూ ఉండేవాడు. నేను ఆ ఇంటి పెద్దకోడలిని. విలేజ్‌లో ఫ్యామిలీ బాగోగులు చూసుకునేదాన్ని. నాగరాజ్ సిటీకి వెళ్లి చదువుకునే వాడు' అని సునీత గుర్తు చేసుకున్నారు.

ముంబై తీసుకెళతానని ప్రామిస్ చేశాడు

కుటుంబం కోసం సునీత రాత్రింభవళ్లు కష్టపడుతున్న సమయంలో నాగరాజ్ ఆమెకు ప్రామిస్ చేశాడు. తాను పెద్ద దర్శకుడిని అయిన తర్వాత నిన్ను ముంబై తీసుకెళతానని చెప్పేవాడట. కుటుంబంలో చాలా సమస్యలు వచ్చినా నాగరాజ్ మీద ప్రేమతో అవన్నీ తాను భరించినట్లు సునీత చెప్పుకొచ్చారు.

నన్ను గదిలో పెట్టి తాళం వేశారు

నాగరాజ్ మంజులే దర్శకత్వంలో వచ్చిన షార్ట్ ఫిల్మ్ ‘పిస్తుల్యా'కు జాతీయ అవార్డు వచ్చింది. అయితే అవార్డు అందుకోవడానికి ఫ్యామిలీ మొత్తం ఢిల్లీ వెళుతూ తనను గదిలో ఉంచి తాళం వేశారు అని సునీత వాపోయారు.

దారుణంగా హింసించేవాడు

నాగరాజ్ ఆడవారిని ఇంటికి తీసుకొచ్చేవాడు. వారికి నేను వండి పెడుతూ సేవలు చేసేదాన్ని. నన్ను వదిలిపెట్టొద్దు అని అతడిని వేడుకునేదాన్ని, నాకు గర్భం వస్తే అతడి ఫిల్మ్ డ్రీమ్‌కు అడ్డంకిగా ఉంటుందని అబార్షన్ చేయించేవాడు రెండు మూడు సార్లు అలా అయ్యాక నేను తిరగబడ్డాను. అపుడు నన్ను దారుణంగా కొట్టేవాడు, ఒక్కోసారి లెదర్ బెల్ట్, పొడవాటి కర్రతో చితకబాదేవాడు.. అని సునీత గుర్తు చేసుకున్నారు.

Recommended Video

Dhadak Movie Review ధడక్ సినిమా రివ్యూ

పాచిపని చేస్తూ జీవిస్తున్న సునీత

నాగరాజ్ పెట్టే బాధలు భరించలేక నా తల్లిదండ్రుల వద్దకు వెళ్లిపోయాను. 2012లో విడాకులు ఫైల్ చేస్తే 2014లో వచ్చాయి. రూ. 7 లక్షలు భరణం రూపంలో వచ్చింది. ప్రస్తుతం తాను వివిధ ఇళ్లలో పాచి పనులు చేస్తూ జీవిస్తున్నట్లు సునీత వెల్లడించారు.