నా గుండె పగిలింది.. భారీ సినిమా అట్టర్ ప్లాప్, జీర్ణించుకోలేకపోతున్న హీరోయిన్!

నా గుండె పగిలింది

ఫాతిమా సన మాట్లాడుతూ ఈ చిత్రంపై చాలా ఆశలు పెట్టుకున్నా. కానీ ఇంత దారుణంగా నిరాశపరుస్తుందని అనుకోలేదు. ఈ చిత్ర పరాజయం చూసి నా గుండె పగిలింత పనైంది అని ఫాతిమా సన పేర్కొంది. తామందరం అద్భుతం చిత్రాన్ని ప్రేక్షకులకు అందించాలని కష్టపడ్డాం. కానీ మా కష్టానికి తగిన ఫలితం దక్కలేదు. సినిమా ప్రేక్షకులకు నచ్చలేదు అని ఫాతిమా వాపోయింది.

దంగల్ చిత్రంతో గుర్తింపు

చైల్డ్ ఆర్టిస్ట్ గా కెరీర్ ప్రారంభించిన ఫాతిమా సనా ఖాన్ దంగల్ చిత్రంలో కీలకమైన పాత్రలో నటించే అవకాశాన్ని దక్కించుకుంది. దంగల్ అఖండ విజయం సాధించడంతో ఫాతిమాకు మంచి గుర్తింపు దక్కింది. కానీ ఈ చిత్రం తర్వాత ఫాతిమాకు ఆశించిన స్థాయిలో అవకాశాలు రాలేదు. మరోమారు అమిర్ ఖాన్ చిత్రంలో నటించే అవకాశం దక్కించుకుంది. థగ్స్ ఆఫ్ హిందుస్థాన్ చిత్రంలో కీలక పాత్రలో నటించింది.

‘థగ్స్ ఆఫ్ హిందూస్తాన్' ఫెయిల్యూర్... ప్రేక్షకులకు అమీర్ ఖాన్ క్షమాపణలు!

చిత్ర యూనిట్ స్వయంగా

థగ్స్ ఆఫ్ హిందుస్థాన్ చిత్రం విడుదలయ్యాక దారుణమైన టాక్ వచ్చింది. అమిర్ ఖాన్ క్రేజ్ తో తొలిరోజు మంచి వసూళ్లే వచ్చాయి. కానీ భారీ బడ్జెట్ లో తెరకెక్కిన ఈ చిత్రం పెట్టుబడి కూడా రాబట్టలేక చతికిల బడింది. అమీర్ ఖానే ఈ చిత్ర పరాజయాన్ని స్వయంగా అంగీకరించారు. తదుపరి చిత్రంద్వారా అభిమానులకు మంచి సినిమా అందిస్తానని హామీ ఇచ్చాడు.

బాహుబలికి పోటీగా

థగ్స్ ఆఫ్ హిందుస్థాన్ చిత్రం విడుదలకు ముందు బాహుబలి రికార్డులని అధికమిస్తుందని కూడా ట్రేడ్ అనలిస్టులు అంచనా వేశారు. కానీ విడుదలయ్యాక బాహుబలి రికార్డులని అటుంచితే కనీసం సాధారణ సినిమాగా కూడా నిలవలేకపోయింది. ఫలితంగా ఈ ఏడాది బిగ్గెస్ట్ ప్లాప్ ఇదే అని సినీ విశ్లేషకులు తేల్చేశారు.