థగ్స్ ఆఫ్ హిందూస్థాన్: ఫిరంగిగా అమీర్ ఖాన్, లుక్ చూసి అంతా షాక్!

గాడిదపై ఊరేగుతూ...

బ్రిటిష్ అధికారి పాత కోటు, టోపీ ధరించి... గాడిదపై ఊరేగుతూ అమీర్ ఖాన్... ‘ఫిరంగి ముల్లాహ్' అనే పాత్రలో దర్శనమిచ్చాడు. చూడటానికి అమీర్ ఖాన్ లుక్ పిచ్చివాడిలా కనిపించినా... దీని వెనక ఏదో ఆసక్తికర స్టోరీ ఉంటుందని భావిస్తున్నారు ఫ్యాన్స్.

నా అంత మంచోడు ఈ లోకంలో లేడు

‘ఇది నేను. ఫిరంగి మల్లాహ్‌. ఈ భూమిపై నాకంటే మంచి మనిషి మీకెక్కడా కనిపించడు. నిజం నా రెండో పేరు. నమ్మకం నా వృత్తి. నాయనమ్మ మీద ఒట్టు' అనే వ్యాఖ్యలు చేస్తూ అమీర్ ఖాన్ తన పాత్రకు సంబంధించిన లుక్ విడుదల చేశారు.

ఖుదాబక్ష్‌గా అమితాబ్

అమితాబ్ బచ్చన్ ఇందులో థగ్స్ నాయకుడు ఖుదాభక్ష్ పాత్రలో కనిపించబోతున్నారు. ఆయన లుక్ విడుదలతో మొదలైన ఈ పోస్టర్ ప్రమోషన్స్ అమీర్ ఖాన్ లుక్ విడుదలతో మరింత ఎత్తుకు తీసుకెళ్లారు. యశ్‌ రాజ్‌ ఫిలింస్‌ బ్యానర్‌పై ఈ చిత్రాన్ని ఆదిత్య చోప్రా నిర్మిస్తున్నారు.

థగ్స్ ఆఫ్ హిందూస్థాన్

ఈ చిత్రాన్ని ధూమ్-3 ఫేం విజయ్ కృష్ణ ఆచార్య తెరకెక్కిస్తున్నారు. నవంబర్ 8న ప్రేక్షకుల ముందుకు రాబోతున్న ఈ ఎపిక్ యాక్షన్ అడ్వంచరస్ చిత్రంపై భారీ హోప్స్ నెలన్నాయి. సినిమాలోని ముఖ్య పాత్రల లుక్స్ విడుదల చేస్తూ చిత్ర యూనిట్ అంచనాలు మరింత పెంచుతోంది. ఈ సినిమాలో బ్రిటిష్ నటుడు లాయిడ్ ఓవెన్.....క్రూరమైన మనస్తత్వం కలిగిన బ్రిటిష్ ఆఫీసర్ జాన్ క్లీవ్ పాత్రలో కనిపించబోతున్నారు.