Don't Miss!
- News జపాన్ను వణికించిన భూకంపం
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- Sports 89 రన్స్ కాపాడుకోవాలంటే..ఆ అద్భుతం జరగాలి!- గిల్
- Automobiles త్వరలో మేడ్ ఇన్ ఇండియా బుల్లెట్ ట్రైన్స్.. ఇక ప్రపంచ దేశాలన్నీ భారత్ వైపు చూడాల్సిందే.!!
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
- Technology iPhone 16 Pro కెమెరా ఫీచర్లు లీక్! కొత్తగా Anti-Reflective టెక్నాలజీ రానుంది
- Finance ఆ కంపెనీ కొనే రేసులో టాటాలు, అంబానీ, రాధాకిషన్ దమానీ..!! పూర్తి వివరాలు..
సినీ నిర్మాణం... సొంత వ్యాపారం...ఇప్పుడు రచయిత్రి... గౌరీఖాన్ ప్రాస్థానం
గౌరీఖాన్ అంటే ఠక్కున తెలుగువారికి తెలియకపోవచ్చు కానీ, బాలీవుడ్ బాద్షా షారుఖ్ ఖాన్ ముద్దుల భార్యామణి అంటే వెంటనే అర్ధమైపోతుంది. అయితే బాలీవుడ్ లో మాత్రం ఈ పేరు బాగా వినిపిస్తుంది. ఎందుకంటే షారుఖ్ భార్యగా కన్నా ఆమె తనకంటూ ఓ ప్రత్యేకమైన ఇమేజ్ ను సంపాదించుకుంది.
షారుఖ్ ఖాన్ విజయంలో కీలక పాత్ర పోషించిన గౌరీ ఖాన్, క్రమంగా చిత్ర నిర్మాణంలోకి అడుగుపెట్టి అంచెలంచెలుగా ఎదిగింది. అనంతరం హృతిక్ భార్య సుజానే ఖాన్ తో కలసి ఇంటీరియర్ డిజైనింగ్ స్టూడియో ప్రారంభించింది. ఎందరో ప్రముఖులకు ఇంటిని డిజైన్ చేసి ఇచ్చింది. ఇప్పుడు కొత్తగా మరో అవతారం ఎత్తబోతోంది గౌరీ.
లాక్ డౌన్ లో ఇంటికే పరిమితం అయిన గౌరీఖాన్, ఇంటీరియర్ డిజైనింగ్ వ్యాపారం కూడా పడకేయడంతో ఈ రంగంలో తన అనుభవాలను పుస్తక రూపం ఇవ్వాలని భావించింది. అనుకున్నదే తడువు చకచకా పేపర్ పెన్ను పట్టుకుని తన మనసులోని మాటలన్నీ కాగితం పై గుమ్మరించేసింది. త్వరలోనే ఓ ప్రముఖ పబ్లిషింగ్ హౌస్ కాఫీ టేబుల్ బుక్ గా ఈ పుస్తకాన్ని ఆవిష్కరించబోతోంది.
మై లైఫ్ ఇన్ డిజైన్ పేరిట గౌరీ ఖాన్ రాసిన ఈ పుస్తకాన్ని పబ్లిష్ చేసేందుకు ముందుకు వచ్చిన పెంగ్విన్ రాండమ్ హౌస్ 2021లో దీన్ని జనాల్లోకి తీసుకువచ్చేందుకు సన్నాహాలు చేస్తోంది. ఇంటీరియర్ డిజైనర్ గా గౌరీ ప్రయాణం ఎలా సాగింది, ఆమె ఎలాంటి ఒడిదుడుకులను ఎదుర్కొంది అన్న విషయాలన్నీ ఇందులో పొందుపరచినట్లు తెలుస్తోంది. మరి నిర్మాతగా, డిజైనర్ గా తనకంటూ ఓ ప్రత్యేకత సంపాదించుకున్న గౌరీ, ఇప్పుడు రచయిత్రగానూ ఆకట్టుకోవాలని ఆశిద్దాం.