Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అర్థరాత్రి స్టార్ హీరో ఇంట్లోకి దూరిన అభిమాని.. గూగుల్లో వెతికి మరీ!
సినీ హీరోలపై కొందరు ఫాన్స్ మితిమీరిన అభిమానాన్ని ప్రదర్శిస్తుంటారు. హద్దులు దాటే అభిమానం వలన పలు సందర్భాల్లో అటు అభిమానులకు, ఇటు హీరోలకు ఇబ్బందికర పరిస్థితి ఎదురైన సంఘటనలు చూస్తూనే ఉన్నాము. తాజగా అలంటి ఘటనే బాలీవుడ్ స్టార్ హీరో అక్షయ్ కుమార్ కు ఎదురైంది. హరియాణ కు చెందిన అంకిత్ అనే వ్యక్తి తన వింత ప్రవర్తనతో అరెస్ట్ అయ్యాడు. అతడు అక్షయ్ కుమార్ ని కలిసేందుకు ఏం చేశాడో తెలిస్తే షాక్ కావలసిందే.
గూగుల్లో వెతికి
హరియాణలోని సోనిపట్ ప్రాంతానికి చెందిన అంకిత్ బాలీవుడ్ స్టార్ అక్షయ్ కుమార్ కు వీరాభిమాని. ఎలాగైనా అక్షయ్ ని కలవాలని నిర్ణయించుకున్నాడు. అనుకున్నదే తడువుగా హరియాణ నుంచి ముంబై వచ్చేశాడు. ఇక అక్షయ్ కుమార్ అడ్రెస్ కోసం ఎంత ప్రయత్నించిన తెలియలేదు. దీనితో అడ్రెస్ కోసం గూగుల్ లో వెతికాడు. అడ్రెస్ దొరకడంతో వెంటనే అక్షయ్ నివాసం వద్దకు వెళ్ళిపోయాడు.
అర్థరాత్రి గోడదూకి
అక్షయ్ ఇంట్లోకి వెళ్ళడానికి ప్రయత్నించగా సిబ్బంది అడ్డుకుని అతడిని వెనక్కు పంపేశారు. దీనితో రాత్రి 1 గంట సమయంలో అక్షయ్ కుమార్ ఇంటి గోడ దూకి, సెక్యూరిటీ కళ్లుగప్పి బాల్కనీలోకి ప్రవేశించాడు. అక్షయ్ కుమార్ కోసం నానా రభస సృష్టించడంతో అతడిని సెక్యూరిటీ వెంటనే అదుపులోకి తీసుకుని పోలీసులకు అప్పగించారు.
బాలీవుడ్ లోకి వెళ్లాలని
పోలిసుల విచారణలో తాను అక్షయ్ కుమార్ కు పెద్ద అభిమానిని అని ఎప్పటి నుంచో అతడిని కలుసుకునేందుకు ప్రయత్నిస్తానట్లు అంకిత్ తెలిపాడు. తనకు బాలీవుడ్ లో రాణించాలనే కోరిక ఉందని, దానికోసం అక్షయ్ కుమార్ సాయం తీసుకుందాం అని ఆయన్ని కలవడానికి ఇలా చేసినట్లు తెలిపాడు. మితిమీరిన అభిమానంతోనే ఇలా చేశాడని, ఇందులో అనుమానించాల్సిన, భయానికి గురికావాల్సిన అంశాలు లేవని పోలీసులు తేల్చారు.
గతంలో ఇలాగే
హీరోల ఇంటిముందు వీరాభిమానులు వింత చర్యలకు పాల్పడడం ఇది కొత్త కాదు. గతంలో బిగ్ బి అమితాబ్ కు కూడా ఇలాంటి ఘటన ఎదురైంది. ఓ అభిమాని అమితాబ్ కాంపౌండ్ దూకి లోనికి ప్రవేశించాడు. పోలీసులు అతడిని అరెస్ట్ చేశారు. ఆ తర్వాత అమితాబ్ అతడిని వదిలేయాల్సిందిగా పోలీసులని కోరడంతో విడుదల చేశారు. 2016లో ఈ ఘటన జరిగింది. తమ అభిమాన హీరోలని కలుసుకోవాలని ఇంటినుంచి పారిపోవడం, తెలిసి తెలియని పనులు చేయడం లాంటి ఘటనలు జరుగుతూనే ఉన్నాయి.