గర్భవతి అయిన యువరాజ్ సింగ్ భార్య.. ఇషా అంబానీ పెళ్ళిలో!

ఇషా అంబానీ పెళ్లి వేడుకలో

ఇటీవల అపర కుబేరుడు ముకేశ్ అంబానీ కుమార్తె ఇషా అంబానీ వివాహ వేడుక జరిగిన సంగతి తెలిసిందే. అంగరంగ వైభవంగా జరిగిన ఈ పెళ్లి వేడుకకు సినీ, రాజకీయ, క్రీడా ప్రముఖులంతా హాజరయ్యారు. యువరాజ్ సింగ్ దంపతులు కూడా హాజరయ్యారు. ఈ పెళ్లి వేడుకలో హేజల్ కీచ్ పలు సందర్భాల్లో డ్రెస్ ని కవర్ చేసుకుంటూ కనిపించింది. హేజల్ కీచ్ గర్భవతి అని వార్తలు మొదలయ్యాయి.

తండ్రి కాబోతున్న యూవీ

ఈ వార్త ఇపుడు నిజం అయింది. మీడియాలో యువరాజ్, హేజల్ కీచ్ తల్లిదండ్రులు కాబోతున్నారంటూ అధికారికంగా వార్తలు వస్తున్నాయి. యూవీ సన్నిహితులు ఈ వార్తని ధృవీకరించినట్లు తెలుస్తోంది. హేజల్ కీచ్ గర్భవతి కావడంతో కుటుంబ సభ్యులంతా సంబరాల్లో ఉన్నట్లు తెలుస్తోంది. చాలా కలం తరువాత ప్రేమలో ఉన్న ఈ జంట వివాహ బంధంతో ఒక్కటయ్యారు.

ఎమోషనల్ పోస్ట్

యువరాజ్ సింగ్ పుట్టినరోజు సందర్భంగా హేజల్ ఇంస్టాగ్రామ్లో ఎమోషనల్ పోస్ట్ పెట్టింది. అనునిత్యం నన్ను ఆకట్టుకునే వ్యక్తి, ఎలాంటి సమయంలో అయినా చిరునవ్వు కోల్పోని వ్యక్తి నా భర్త అని హేజల్ పేర్కొంది. ప్రతి రోజు నా శుభాకాంక్షలు నీకు ఉంటాయి. ఈ రోజు నీ పుట్టినరోజు కావున ప్రత్యకమైన శుభాకంక్షలు. ఎలాంటి స్వార్థం లేకుండా నిత్యం నీ పక్కనే ఉంటా.. నీ ప్రియమైన భార్య హేజల్ కీచ్ అంటూ యువరాజ్ కు బర్త్ డే విషెష్ చెప్పింది.