Don't Miss!
- News సీఎం జగన్పై రాళ్లదాడి కేసులో బొండ ఉమ అరెస్ట్..?
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
#మీటూ ఎఫెక్ట్: తెలుగు స్టార్ రానా దగ్గుబాటికి అవకాశం?
#మీటూ ఉద్యమం కారణంగా బాలీవుడ్ చిత్ర సీమలో ఎవరూ ఊహించని మార్పులు చోటు చేసుకుంటున్నాయి. గతంలో ఎన్నడూ లేని విధంగా మహిళల పట్ల అసభ్య ప్రవర్తన, లైంగిక వేధింపుల అంశాలను చాలా సీరియస్గా తీసుకుంటున్నారు. ఈ ఉద్యమానికి ప్రొడ్యూసర్స్ గిల్డ్ మద్దతు కూడా లభించడంతో మూమెంట్ మరింత బలపడింది.
ఆరోపణలు ఎదుర్కొంటున్న వారిపై తీవ్రమైన ఒత్తిడి ఉండటంతో పలువురు అగ్ర దర్శకులు, అగ్ర నటులు భారీ ప్రాజెక్టు సినిమాల నుంచి తప్పకోవాల్సిన పరిస్థితి నెలకొంది. 'హౌస్ ఫుల్ 4' దర్శకుడు సాజిద్ ఖాన్ మీద లైంగిక వేధింపుల ఆరోపణలు రావడంతో అతడిని తప్పించారు. ఆయన స్థానంలో పర్హాద్ సంజీ డైరెక్షన్ బాధ్యతలు స్వీకరించారు.
నానా పాటేకర్ ఔట్
హౌస్ఫుల్ 4 చిత్రంలో నటిస్తున్న ప్రముఖ నటుడు నానా పాటేకర్ కూడా తప్పుకునే అవకాశం ఉన్నట్లు ప్రచారం జరుగుతోంది. నానా పాటేకర్ తన పట్ల పదేళ్ల క్రితం ఓ సినిమా షూటింగులో అసభ్యంగా ప్రవర్తించాడని తనుశ్రీ దత్తా మీటూ ఉద్యమంలో భాగంగా ఆరోపణలు చేసిన సంగతి తెలిసిందే.
రానా దగ్గుబాటికి అవకాశం
నానా పాటేకర్ తప్పకుంటే ఆ అవకాశం తెలుగు స్టార్ రానా దగ్గుబాటికి దక్కే అవకాశం ఉందని అంటున్నారు. ఈ విషయం ఇంకా అఫీషియల్గా ఖరారు కాలేదు. త్వరలోనే ఈ విషయం ఓ ప్రకటన వెలువడే అవకాశం ఉంది.
Recommended Video
రియాల్టీ షో నుంచి తప్పుకున్న అను మాలిక్
#మీటూ ఉద్యమం బాలీవుడ్లో ప్రకంపణలు క్రియేట్ చేస్తోంది. బాలీవుడ్ మ్యూజిక్ కంపోజర్ అను మాలిక్ మీద నలుగురు సింగర్స్ అతడు లైంగిక వేధింపులకు పాల్పడ్డట్లు ఆరోపణలు చేయడంతో ఇండియన్ ఐడల్ 10 సింగింగ్ రియాల్టీ షో నుంచి జడ్జిగా తప్పుకోవాల్సి వచ్చింది.
ప్రముఖుల మీద ఆరోపణలు
#మీటూ ఉద్యమంలో భాగంగా ఇప్పటి వరకు బాలీవుడ్ ప్రముఖులైన నానా పాటేకర్, దర్శకుడు సుభాష్ ఘాయ్, వికాస్ బహల్, సాజిద్ ఖాన్, అను మాలిక్ మీద ఆరోపణలు వచ్చాయి. మరో దర్శకుడు సుభాష్ కపూర్ మీద ఆరోపణలు రావడంతో అతడితో సినిమా చేసే ప్రయత్నాన్ని విరమించుకున్నాడు అమీర్ ఖాన్.