Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
హృతిక్ అరుదైన ఘనత.. ప్రపంచంలోనే అత్యంత హ్యాండ్సమ్ హీరోగా రికార్డు
సినీ కుటుంబం నుంచి వచ్చినా సొంత ప్రతిభతో భారతీయ సినిమా చరిత్రలో తనకంటూ ఓ ప్రత్యేక స్థానాన్ని ఏర్పరచుకున్నాడు హృతిక్ రోషన్. చాలా మంది హీరోలకు లవర్బాయ్ అనో, యాక్షన్ హీరో అనో ఓ ప్రత్యేకమైన ముద్ర ఉంటుంది. హృతిక్ వీటికి అతీతం. తన ప్రతి సినిమాతో ప్రేక్షకులకు కొత్తదనాన్ని రుచి చూపిస్తుంటాడు. అందుకు అతడికి ఎంతో మంది అభిమానులు ఉన్నారు.
డ్యాన్సులు, అందం, యాక్టింగ్, ఫైట్స్ ఇలా ఏదైనా సునాయాసంగా చేయడంలో హృతిక్ది అంద వేసిన చేయి. అందుకే అతడి సినిమా అంటే హిందీ ప్రేక్షకులతో పాటు దేశ వ్యాప్తంగా ఆసక్తి కనిపిస్తుంది. హృతిక్కు ఇండియాలోనే కాదు.. ప్రపంచ వ్యాప్తంగా ఫ్యాన్స్ ఉన్నారు. ఈ కారణంగానే అతడి సినిమాలను విదేశాల్లో ఎక్కువ స్క్రీన్లలో విడుదల చేస్తుంటారు. ఈ క్రమంలోనే కలెక్షన్లు సాధిస్తుంటాయి అతడి సినిమాలు.
ఆల్రౌండర్గా పేరు తెచ్చుకున్న ఈ హీరో ఎన్నో ఘనతలు సాధించాడు. భారత్లోని అత్యంత ప్రభావవంతమైన ఫోర్బ్స్ వందమంది ప్రముఖుల జాబితాలో హృతిక్ ఒకరు. బాలీవుడ్లో అత్యధిక పారితోషికం తీసుకునే హీరోగా హృతిక్కు పేరుంది. భారత్లో అత్యంత ఆకర్షణీయమైన కథానాయకుడిగా, ప్రపంచ అందగాడిగా పేరు ఉంది. తాజాగా ఇది మరోసారి నిరూపణ అయింది.
2019 సంవత్సరానికి గానూ తాజాగా విడుదల చేసిన టాప్ - 5 మోస్ట్ హ్యాండ్సమ్ మెన్ జాబితాలో హృతిక్కు మొదటి స్థానం దక్కింది. క్రిస్ ఎవాన్స్, డేవిడ్ బెక్హాం, రాబర్ట్ ప్యాటిన్సన్ వంటి వారి నుంచి గట్టి పోటీని ఎదుర్కొన్నప్పటికీ హృతిక్ 'ది మోస్ట్ హ్యాండ్సమ్ మెన్ ఇన్ ది వరల్డ్' జాబితాలో మొదటి స్థానం దక్కించుకున్నాడు. దీంతో హృతిక్ అభిమానులు ఫుల్ ఖుషీగా ఉన్నారు.
హృతిక్ రోషన్ ఇటీవల 'సూపర్ 30' అనే సినిమా చేశాడు. ఇందులో హృతిక్ గణిత శాస్త్రవేత్తగా నటించాడు. బీహార్కు చెందిన ఆనంద్ కుమార్ అనే వ్యక్తి జీవిత చరిత్ర ఆధారంగా తెరకెక్కిందీ చిత్రం. సాధారణ జీవినం గడుపుతున్న ముప్పై మందిని ఈ శాస్త్రవేత్త ఎలా ప్రయోజకులను చేశాడన్న కథాంశంతో ఈ సినిమా తెరకెక్కింది. ఈ సినిమా ఘన విజయం సాధించడంతో పాటు ప్రపంచ వ్యాప్తంగా రూ. 140 కోట్లు వసూలు చేసింది. దీని తర్వాత అతడు టైగర్ ష్రాఫ్తో కలిసి 'వార్' అనే సినిమాలో నటిస్తున్నాడు. ఇది అక్టోజర్ 2న ప్రేక్షకుల ముందుకు రానుంది.