హోమ్

బాలీవుడ్

బాలీవుడ్ స్టార్ హీరో హృతిక్ రోషన్ అప్పడాలు అమ్ముతూ కనిపించి షాకిచ్చాడు. ఓ బస్సు పక్కన మాసిన బట్టలతో హృతిక్‌ని అలా చూసి ఆశ్చర్యపోతున్నారు నెటిజన్లు. ప్రస్తుతం ఈ పిక్ సోషల్ మీడియాలో తెగ చక్కర్లు కొడుతోంది. అయితే తాను అప్పడాలు అమ్మాల్సిన పరిస్థితి ఎందుకొచ్చిందో తెలుపుతూ సదరు పిక్ సోషల్ మీడియాలో షేర్ చేశారు హృతిక్ రోషన్.

హృతిక్ రోషన్ అప్పడాలు అమ్మింది ఓ సినిమా కోసం. కథ డిమాండ్ చేయాలి గానీ ఎలాంటి పాత్రలో నైనా నటిస్తానని ఈ లుక్ ద్వారా మరోసారి నిరూపించాడు ఈ బాలీవుడ్ హీరో. హృతిక్ రోషన్ హీరోగా వికాస్‌ భల్‌ దర్శకత్వంలో సూపర్ 30 అనే సినిమా తెరకెక్కుతోంది. నడియాద్‌వాలా గ్రాండ్‌సన్‌ ఎంటర్‌టైన్‌మెంట్‌, రిలయన్స్‌ ఎంటర్‌టైన్‌మెంట్స్‌, ఫాంటమ్‌ ఫిల్మ్స్‌ సంస్థలు సంయుక్తంగా ఈ చిత్రాన్ని నిర్మిస్తున్నాయి.

గణిత శాస్త్రవేత్త ఆనంద్ జీవిత చరిత్ర ఆధారంగా తెరకెక్కుతున్న ఈ సినిమాలో హృతిక్‌ రోషన్‌ డీ గ్లామర్‌ రోల్ పోషిస్తున్నాడు. ఆనంద్ తన జీవితంలో పడిన కష్టాలను, జీవిత పోరాటం కోసం పడిన పాట్లను కళ్లకు కట్టినట్లుగా చూపించేందుకు గాను హృతిక్ అతని పాత్రలో లీనమై నటిస్తున్నాడు. మారుమూల గ్రామంలో పుట్టి పెరిగిన గణిత శాస్త్రవేత్త ఆనంద్ జాతీయ స్థాయి పురస్కారాలు ఎలా అందుకున్నారో ఈ సినిమాలో చూపించనున్నారు.

“The papad selling phase of Anand Kumar’s journey is an important one as it was cathartic and became the genesis of all that he did later on in his life.” #Super30 #12thJULY pic.twitter.com/I7FCbXyphG

— Hrithik Roshan (@iHrithik) June 27, 2019

కాగా షూటింగ్‌లో భాగంగా ఆనంద్ పాత్రలో అప్పడాలమ్ముతూ దిగిన పిక్ షేర్ చేశారు హృతిక్ రోషన్. ఈ మేరకు ''ఆనంద్‌ జీవిత ప్రయాణంలో చాలా కీలకమైన ఘట్టం అప్పడాలు అమ్మడం. ఆ సమయంలో ఆయన పడిన భావోద్వేగమే.. తరువాత సాధించిన విజయాలకు పునాదిగా మారింది'' అని ట్వీట్ చేశారు హృతిక్. ఈ డీ గ్లామర్ లుక్ లో హృతిక్‌ని చూసి ఒక్కసారిగా షాకైన నెటిజన్లు.. ఓ స్టార్ హీరో ఇలాంటి ఇన్స్పైరబుల్ సినిమాలో భాగం కావడం సంతోషంగా ఉందని కామెంట్లు పెడుతున్నారు. ప్రపంచ వ్యాప్తంగా జులై 12 వ తేదీన సూపర్ 30 ప్రేక్షకుల ముందుకు రానుంది.