సెక్స్, ఎక్స్‌ఫోజింగ్ వల్ల సినిమాలు ఆడవు... మా ఇంట్లో ఆ సీన్ వల్ల ఇబ్బంది పడ్డాం!

ఎందుకు మీరు ఆ సీన్లు చేయరు?

మీ సినిమాల్లో శృంగార సన్నివేశాలు ఎందుకు ఉండవు? ఇంటిమేట్ సీన్లు చేయడం అంటే మీకు భయమా? అనే ప్రశ్నకు సల్మాన్ రియాక్ట్ అవుతూ.... ఓసారి తమ గెలాక్సీ అపార్టుమెంటులో జరిగిన సంఘటనను గుర్తు చేసుకున్నారు.

ఆ సీన్ రాగానే అంతా ఇబ్బంది పడ్డాం

ఓసారి మా ఇంట్లో కుటుంబ సభ్యులమంతా కలిసి ఇంగ్లిష్ సినిమా చూస్తున్నాం. అందులో హీరో హీరోయిన్ కిస్ చేసుకునే సన్నివేశం వచ్చింది. అందరూ ఆ సీన్ చూడటానికి ఇబ్బంది పడుతూ తమ తలలు తిప్పుకున్నారు. ఆ సీన్ పూర్తవ్వగానే అంతా మళ్లీ సినిమా చూడటం ప్రారంభించారు. అప్పటి నుండి నా సినిమాల్లో అలాంటి సీన్లు ఉండకూడదని నిర్ణయించుకున్నాను అన్నారు సల్మాన్ ఖాన్.

హిట్టవ్వాలని ఇలాంటి నీచమైన గిమ్మిక్స్ అవసరం లేదు

బాక్సాఫీసు వద్ద సినిమా వర్కౌట్ అవ్వడానికి ఇలాంటి నీచమైన గిమ్మిక్స్ అవసరం లేదు అని నా ఉద్దేశ్యం. అందుకే నా సినిమాల్లో అలాంటివి ఉండవు. అయితే ఇలాంటి వర్కౌట్ అవ్వవు అని నేను అనడం లేదు. అవసరం లేదు అని మాత్రమే చెబుతున్నాను అని సల్మాన్ స్పష్టం చేశారు.

సెక్స్, స్కిన్ షో వల్ల సినిమాలు ఆడవు

మైనే ప్యార్ కియా సినిమాలో సీన్ సల్మాన్ గుర్తు చేసుకుంటూ... అందులో భాగ్యశ్రీ కాలుకు బామ్ రాసే సీన్లో నేను కళ్లు మూసుకున్నాను. కేవలం సెక్స్, స్కిన్ షో ఉంటేనే సినిమాలు ఆడతాయని నేను నమ్మను, అందుకే నా సినిమాల్లో అలాంటివి ఉండవు అని సల్మాన్ ఖాన్ అన్నారు.