Don't Miss!
- News కేసీఆర్ కాన్వాయ్లో ప్రమాదం: ఒకదానికొకటి 8 వాహనాలు ఢీ
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Sports మా భారత క్రికెటర్లకు ఇంకా ఆ గతి పట్టలేదు: వీరేంద్ర సెహ్వాగ్
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అలా కన్విన్స్ అయ్యా... లేకపోతే ‘అర్జున్ రెడ్డి’ రీమేక్ చేసేవాడిని కాదు: షాహిద్ కపూర్
తెలుగులో సూపర్ హిట్ అయిన కల్ట్ మూవీ 'అర్జున్ రెడ్డి' హిందీలో షాహిద్ కపూర్ హీరోగా రీమేక్ అవుతున్న సంగతి తెలిసిందే. తెలుగు వెర్షన్కు దర్శకత్వం వహించిన సందీప్ రెడ్డి వంగా హిందీలోనూ డైరెక్ట్ చేస్తున్నారు. 'కబీర్ సింగ్' పేరుతో ఈ మూవీ జూన్ 21న విడుదల కాబోతోంది.
ఈ సందర్భంగా బాలీవుడ్ మీడియాకు ఇచ్చిన ఇంటర్వ్యూలో షాహిద్ కపూర్ ఆసక్తికర వ్యాఖ్యలు చేశారు. ''అర్జున్ రెడ్డి' సినిమా చూసిన తర్వాత విజయ్ దేవరకొండ పెర్ఫార్మెన్స్ చాలా నచ్చింది. ఒక కల్ట్ చిత్రాన్ని తెరకెక్కించిన విధంగా నన్ను ఎంతగానో ఆకట్టుకుంది. అయితే 'అర్జున్ రెడ్డి' సినిమా చూసిన వెంటనే నాకు ఒకటే ఆలోచన వచ్చింది... ఒక మంచి చిత్రాన్ని మళ్లీ చేయడం ఎందుకు? ఒక వేళ ఆ మ్యాజిక్ క్రియేట్ చేయలేక పోతే పరిస్థితి ఏమిటి? అనిపించింది.'' అని షాహిద్ చెప్పుకొచ్చారు.
కానీ నా సన్నిహితులు ఈ సినిమా చేయాలని ప్రోత్సహించారు. నేను ఒక మంచి పాత్ర చేసే అవకాశం వదులుకోవద్దని వారు సూచించారు. అపుడు వారికి నేను ఒకటే కండీషన్ పెట్టాను. ఒరిజినల్ సినిమాను డైరెక్ట్ చేసిన వారే ఈ సినిమా చేయాలి, లేకుంటే చేయను అని చెప్పాను. వేరే వారు అయితే ఆ పాత్రను పూర్తిగా అర్థం చేసుకోలేరనేది నా భావన. లక్కీగా సందీప్ రెడ్డి వంగా హిందీలో చేయడానికి ఒప్పుకున్నారు. నేను కన్విన్స్ అవ్వడానికి ప్రధాన కారణం అదే అని షాహిద్ కపూర్ తెలిపారు.