ముగ్గురు హీరోయిన్లపై దర్శకుడి అకృత్యాలు.. దారుణంగా వేధింపులు.. అమీర్ అల్లుడి సంచలన వ్యాఖ్యలు

వికాస్ బెహల్ అకృత్యాలపై

దర్శకుడు వికాస్ బెహల్ అకృత్యాల గురించి ముగ్గురు హీరోయిన్లు నాకు చెప్పారు. శరీరంలోని ప్రైవేట్ భాగాలను తాకేవాడు. నీకు సినిమాలో అవకాశం ఇస్తే, రిటర్న్‌లో నాకు ఏమిస్తావు అని ముఖం మీదే అడిగేవాడు. అప్పుడే వికాస్‌పై వారు ఫిర్యాదు చేస్తామని అన్నారు. కానీ మీడియాకు ఎక్కడం వల్ల ఏం ఉపయోగం ఉండదని నేనే ఆపాను అని ఇమ్రాన్ తెలిపారు.

పబ్లిసిటీ కోసమే ఇలా

వికాస్‌పై మీరు ఫిర్యాదు చేస్తే పబ్లిసిటీ కోసమే చేస్తున్నారని అనుకొంటారు. సినిమాలు ఆడకపోవడం, ఆఫర్ల రాకపోవడం వల్లే ఇలాంటి ట్రిక్స్‌కు పాల్పడుతున్నారని అందరూ అనుకొంటారు. సరైన సమయం కోసం వేచి చూసి అప్పుడు ఫిర్యాదు చేయవచ్చు అని ముగ్గురు హీరోయిన్లకు తాను చెప్పినట్టు ఇమ్రాన్ ఖాన్ వెల్లడించారు.

ధైర్యంగా ముందుకు రావడం

తమపై జరుగుతున్న లైంగిక ఆరోపణలపై హీరోయిన్లు ధైర్యంగా ముందుకొచ్చి బాహాటంగా ఆరోపణలు చేయడం శుభపరిణామం. ఈ నేపథ్యంలో మౌనంగా ఉండటం భావ్యం కాదని అనుకొంటున్నాను. నాకు తెలిసిన విషయాలు బయటకు చెప్పడం సరైందని భావిస్తున్నాను. బాధిత హీరోయిన్లకు హీరోలు అండగా నిలువడం లేదనే మాట రాకుండా బయటకు వచ్చాను అని ఇమ్రాన్ పేర్కొన్నారు.

మీటూ ఉద్యమానికి ఊపు

విలక్షణ నటుడు నానా పాటేకర్‌పై నటి తనుశ్రీ దత్తా చేసిన ఆరోపణలతో బాలీవుడ్‌లో మీటూ ఉద్యమం ఊపందుకొన్నది. ఆ తర్వాత వికాస్ బెహల్, అలోక్ నాథ్ తదితర నటులపై ఆరోపణలు వెల్లువెత్తుతున్నాయి. కేవలం సినిమా పరిశ్రమలోనే కాకుండా మీడియాలో కూడా లైంగిక ఆరోపణల వివాదాలు చోటుచేసుకోవడం సంచలనం రేపుతున్నాయి.