హీరోకు తీవ్ర గాయాలు.. షాక్‌లో చిత్రయూనిట్

తెలుగులో గతేడాది వచ్చిన చిత్రాల్లో జెర్సీ.. అందరి మన్నలను అందుకుంది. సగటు సినీ ప్రేక్షకుడు జెర్సీని చూసి భావోద్వేగానికి లోనయ్యాడు. ఈ చిత్రంలో నాని అసాధారణ నటనకు క్రిటిక్స్ సైతం జై కొట్టారు. అంతలా అందర్నీ మెప్పించిన జెర్సీ హిందీలోనూ రీమేక్ కాబోతోన్న సంగతి తెలిసిందే.

అయితే ఈ చిత్రం కోసం నాని ప్రత్యేకంగా క్రికెట్‌లో శిక్షణ తీసుకున్నాడు. దాదాపు 70 రోజుల పాటు ట్రైనింగ్ తీసుకున్నాకే షూటింగ్ మొదలు పెట్టినట్టు అప్పట్లో చెప్పుకొచ్చారు. అలాగే ఈ మూవీ హిందీ రీమేక్‌లో షాహిద్ నటిస్తున్న సంగతి తెలిసిందే. ఈ క్రమంలో షాహిద్ కూడా క్రికెట్ ఆటలో ట్రైనింగ్ తీసుకున్నాడు. ఇక షూటింగ్‌ను మొదలుపెట్టిన చిత్రయూనిట్‌కు ఎదురు దెబ్బ తగిలింది.

మొహ‌లీ స్టేడియంలో షూటింగ్ జ‌రుగుతూ ఉండ‌గా.. క్రికెట్ బాల్ వేగంగా వ‌చ్చి హీరో పెద‌వుల‌కు త‌గిలింద‌ని స‌మాచారం. ఈ ఘ‌ట‌న‌తో షాహిద్ క‌పూర్ పెద‌వుల‌కు స్వ‌ల్ప‌గాయం అయిన‌ట్టుగా తెలుస్తోంది. ర‌క్త‌స్రావం కావ‌డంతో షాహిద్ ను వెంట‌నే ఆసుప‌త్రికి తీసుకెళ్లింద‌ట యూనిట్. చికిత్స‌లో భాగంగా షాహిద్ క‌పూర్ పెద‌వుల‌కు మొత్తం 13 కుట్లు ప‌డ్డాయ‌ట‌. దీంతో షూటింగ్‌కు విరామం ఇచ్చినట్టు తెలుస్తోంది.