శ్రీదేవికి నివాళి పేరుతో అవమానం.. బయటపడ్డ కాపీ దొంగల వ్యవహారం!

విమర్శల వర్షం

ఐఫా అవార్డుల్ వేడుక గత వారం టీవీల్లో ప్రదర్శించబడింది. శ్రీదేవిని గుర్తు చేసుకుంటూ పలు వీడియోలు ప్రదర్శించారు.ఐఫా లాంటి భారీ వేడుకలు నిర్వహించే సమయంలో కొత్తగా ఆలోచించాల్సింది పోయి ఇలా మరొకరి వీడియోలని కాపీ చేస్తారా అంటూ నెటిజన్లు విమర్శల వర్షం కురిపిస్తున్నారు.

అసలు విషయం

ఐఫా వేడుకలో శ్రీదేవికి నివాళులు అర్పిస్తూ ప్రదర్శించిన వీడియోలు తాను రూపొందించనవి అని సబా అనే యువతి సోషల్ మీడియా వేదికగా వెల్లడించింది. తాను రూపొందించిన వీడియోల్ని పోస్ట్ చేసింది.

బ్యాగ్రౌండ్ వాయిస్

కేవలం బ్యాగ్రౌండ్ వాయిస్ మాత్రం మార్చి వీడియోల్ని అలాగే కాపీ చేసారు. దీనితో ఐఫా నిర్వాహకుల తీరుపై విమర్శలు వెల్లువెత్తుతున్నాయి. కనీసం ఆ యువతికి క్రెడిట్ కూడా ఇవ్వలేదని నెటిజన్లు మండిపడుతున్నారు.

ఆమెకు క్రెడిట్ ఇవ్వండి

ఈ వ్యవహారంపై ప్రముఖ నటి సోఫీ చౌదరి సోషల్ మిడియా వేదికగా స్పందించింది. ఇది కనుక నిజమైతే నిజంగా అన్యాయమే. ఐఫా నిర్వాహకులు ఈ సమస్యని పరిష్కరించి సబాకు న్యాయం జరిగేలా చూడాలని సోఫీ కోరింది.