అక్కకు షాక్ ఇచ్చిన చెల్లి.. స్టార్ హీరో తప్పేమి లేదంటూ సపోర్ట్!

అజయ్ దేవగన్‌పై విమర్శలు

అలోక్ నాథ్ పై అత్యాచార ఆరోపణలు ఉన్నాయని తెలిసి కూడా అతడికి ఎందుకు దే దే ప్యార్ దే చిత్రంలో అవకాశం ఇచ్చారు అంటూ తనుశ్రీ దత్తా అజయ్ దేవగన్ ని ప్రశ్నించింది. మహిళల పట్ల మీకున్న గౌరవం ఇదేనా అంటూ అజయ్ దేవగన్ పై విమర్శలు చేసింది. అలోక్ నాథ్ పై అత్యాచార ఆరోపణలు వచ్చిన వెంటనే అతడిని మీ చిత్రం నుంచి తొలగించి ఉండాల్సింది. కానీ అలా చేయకుండా అతడిని మీ చిత్రంలో కొనసాగించడం వెనుక ఉద్దేశం ఏంటని తనుశ్రీ ప్రశ్నించింది.

తొలగించడం కుదరదు

దే దే ప్యార్ దే చిత్రం నుంచి అలోక్ నాథ్ ని తొలగించడం కుదరదని అజాయ్ దేవగన్ తేల్చి చెప్పేశారు. మీటూ ఉద్యమం గత ఏడాది అక్టోబర్ లో ప్రారంభమైంది. సెప్టెంబర్ లోనే మా చిత్ర షూటింగ్ దాదాపుగా పూర్తయిపోయింది. అలోక్ నాథ్ ఈ చిత్రంలో చాలా కీలకమైన పాత్రలో నటించారు. దాదాపు 40 రోజుల పాటు ఆయన షూటింగ్ లో పాల్గొన్నారు. అతడిని తొలగించి మరొకరిని తీసుకున్నా సినిమా బడ్జెట్ డబుల్ అవుతుంది అని అజయ్ దేవగన్ వివరణ ఇచ్చాడు.

దృశ్యం చిత్రంలో

ఇదిలా ఉండగా తనుశ్రీ దత్త చెల్లి ఇషిత దత్తా దృశ్యం చిత్రంలో అజయ్ దేవగన్ కుమార్తె పాత్రలో నటించింది. తనుశ్రీకి, అజయ్ దేవగన్ కి మధ్య జరిగుతున్న వివాదం గురించి ఇషిత తాజాగా స్పందించింది. తాను ప్రస్తుతం చాలా క్లిష్టమైన పరిస్థితుల్లో ఉన్నానని ఇషిత తెలిపింది. కానీ సత్యం ఎప్పటికి సత్యమే. వారి మధ్య జరుగుతున్న వివాదానికి.. అజయ్ దేవగన్ సర్ పై నాకున్న అభిమానానికి ఎలాంటి సంబంధం లేదు అని ఇషిత తెలిపింది.

అక్కకు షాక్ ఇచ్చిన చెల్లి

ఇక వివాదం గురించి మాట్లాడుతూ అజయ్ దేవగన్ సర్ ఎవరిపైనా అనవసరంగా ఆగ్రహం వ్యక్తం చేయరు. అసహనానికి గురి కారు. అలోక్ నాథ్ ని తొలగించడం అజయ్ దేవగన్ సర్ చేతుల్లో లేని పని అని నేను నమ్ముతున్నాడు. దే దే ప్యార్ దే చిత్రానికి ఆయన మాత్రమే నిర్మాత కాదు కదా అంటూ ఇషిత అజయ్ దేవగన్ కు మద్దతు తెలిపింది.