షాకిస్తున్న జాన్వీ కపూర్ లుక్.. అమ్మ మరణించాక, భరించి ఉండేదాన్ని కాదు!

గుంజన్ సక్సేనా బయోపిక్

1999 కార్గిల్ యుద్ధంలో అత్యంత సాహసోపేతంగా గాయపడ్డ సైనికుల్ని సురక్షిత ప్రాంతాలకు తరలించిన ఇండియన్ ఎయిర్ ఫోర్స్ పైలెట్ గుంజన్ సక్సేనా బయోపిక్ తెరకెక్కించేందుకు రంగం సిద్ధం అవుతోంది. కరణ్ జోహార్ నిర్మాణ సంస్థ ధర్మ ప్రొడక్షన్స్ లో ఈ చిత్రం నిర్మించబడుతోంది. ఈ బయోపిక్ లో సక్సేనా పాత్రలో నటించబోతున్నట్లు జాన్వీ కపూర్ పేరు వినిపించింది. ఆ వార్తలు నిజమయ్యాయి. ఈ చిత్రం కోసం జాన్వీ అప్పుడే వర్క్ ప్రారంభించేసింది.

జాన్వీ లుక్ వైరల్

జాన్వీ కపూర్ దఢక్ చిత్రం తరువాత కరణ్ జోహార్ నిర్మాణంలోనే థక్త్ చిత్రంలో నటించబోతోంది. ఆ చిత్రానికి ఇంకా ప్రారంభం కాకముందే జాన్వీ కపూర్ గుంజన్ సక్సేనా బయోపిక్ కి సంబంధించిన పనులు ప్రారంభించడం విశేషం. జాన్వీ పైలెట్ డ్రెస్ ధరించి ఉన్న ఫోటోలు సోషల్ మీడియాలో వైరల్ అవుతున్నాయి. ఈ చిత్ర షూటింగ్ ప్రారంభించే ముందుగా జాన్వీ ఇండియన్ ఎయిర్ ఫోర్స్ గురించి కొన్ని ప్రాధమిక విషయాల్లో శిక్షన పొందుతున్నట్లు తెలుస్తోంది.

అమ్మ మరణించాక

జాన్వీ తాజాగా ఓ ఇంటర్వ్యూలో మాట్లాడుతూ సినిమాలతో బిజీ కావడం వలనే అమ్మ మరణించిన విషాదం నుంచి కోలుకుంటున్నానని తెలిపింది. అమ్మ అమరణించక వెంటనే దఢక్ షూటింగ్ ప్రారంభించారు. అది నాకు మంచే చేసింది. లేకుంటే అమ్మ జ్ఞాపకాలతో ప్రతి రోజు వేదన అనుభవించేదాన్ని అని జాన్వీ తెలిపింది.

పనిలో బిజీ కావడం

కుటుంబ సభ్యులు అందించిన సహకారం, పనిలో బిజీ కావడం వలన ఆ విషాదాన్ని మరచిపోగలుగుతున్నాని జాన్వీ తెలిపింది. ఈ ఏడాది ఫిబ్రవరి 24న శ్రీదేవి దుబాయ్ లో అనూహ్య పరిస్థితుల మధ్య మరణించిన సంగతి తెలిసిందే. శ్రీదేవి మరణం అప్పట్లో అనేక అనుమానాలకు, సంచలనాలకు కేంద్ర బిందువుగా మారింది.