Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
‘83’కి సంబంధించి వంద కథలున్నాయ్.. అందులోంచి కొన్నింటిని మాత్రమే.. డైరెక్టర్ కామెంట్స్
జరిగింది ఒకటే సంఘటన కావచ్చు.. అక్కడి నుంచి చరిత్ర మొదలైంది. ఆ ఘటనను చూసే విధానంలో ఎన్నో కోణాలుంటాయ్. ఒక్కొక్కరు ఒక్కోలా చూస్తారు. ఇదంతా దేని గురించి అని అనుకుంటున్నారా? భారత చరిత్రలో సువర్ణాధ్యయంగా లిఖించబడిన సంవత్సరం 1983. ఎందుకు? ఆ ఏడాది అంత ప్రత్యేకమని ఏ భారతీయుడూ ప్రశ్నించడు. కపిల్ దేవ్ సారథ్యంలో భారత జట్టు క్రికెట్లో విశ్వ విజేతగా నిలిచిన ఏడాదిని భారతీయులెప్పటికీ మరచిపోలేరు. అలాంటి మధురమైన ఘట్టాన్ని వెండితెరపై ఆవిష్కరించబోతోన్నారు.
వెండితెరపై 83గా..
కపిల్ దేవ్ పాత్రలో రణ్ వీర్ సింగ్ లుక్ ఇప్పటికే అందర్నీ ఆకట్టుకుంది. అన్నీ సక్రమంగా ఉండుంటే.. ఈ పాటికి 83 ప్రేక్షకుల ముందుకు వచ్చేది. కానీ కరోనా వైరస్ అన్నింటిని తలకిందులు చేసేసింది. తాజాగా ఈ మూవీ విశేషాలను డైరెక్టర్ కబీర్ ఖాన్ వివరించాడు.
వంద కథలున్నాయ్..
1983 వరల్డ్ కప్కు సంబంధించిన ప్రయాణంలో తన దగ్గర 100 కథలున్నాయని తెలిపాడు. వాటిలో నుంచి 25 కథలను ఆధారంగా చేసుకుని 83 సినిమాను తెరకెక్కించానని పేర్కొన్నాడు. ఈ స్క్రిప్ట్ను తయారు చేయడానికి ఏడాదిన్నర సమయం పట్టిందని, ఇందులో చాలా లేయర్స్ ఉన్నాయని అన్నాడు.
ఆట ముగియగానే వెకేషన్స్కు..
కేవలం ఆటగాళ్ల కోణంలోనే కాకుండా కామెంటేటర్స్, ప్రేక్షకుల కోణంలోనూ సాగుతుందని చెప్పుకొచ్చాడు. శ్రీకాంత్ సహా మరో ఆరుగురు ఆటగాళ్లు గ్రూపు మ్యాచ్లు ముగియగానే వెకేషన్స్ బయలుదేరాలని అనుకున్నారని తెలిపాడు. ఆ ఏడుగురు ఆటగాళ్లు ముంబై నుండి న్యూయార్క్కి వయా లండన్ మీదుగా టికెట్స్ను బుక్ చేసుకున్నారని పేర్కొన్నాడు. శ్రీకాంత్గారు సహా చాలా మంది ఆటగాళ్లకి గ్రూపు మ్యాచ్లను దాటుతామనే నమ్మకం లేదని అన్నాడు.
ప్రముఖ సంస్థలు..
రిలయన్స్ ఎంటర్టైన్మెంట్, ఫాంటమ్ ఫిలిమ్స్ బ్యానర్స్ సమర్పణలో కబీర్ఖాన్ ఫిలిమ్స్ ప్రొడక్షన్ పతాకంపై దీపికా పదుకొనె కబీర్కాన్, విష్ణు ఇందూరి, సాజిద్ నడియడ్ వాలా, ఫాంటమ్ ఫిలిమ్స్, రిలయన్స్ ఎంటర్టైన్మెంట్, 83 ఫిలిమ్ లిమిటెడ్ ఈ చిత్రాన్ని నిర్మిస్తున్నాయి. ఇక ఈ చిత్రం కోసం కపిల్ దేవ వద్ద రణ్ వీర్ కొన్ని సూచనలతో పాటు శిక్షణ కూడా తీసుకున్నాడు.