ఆ హీరో మీద ఆమెకు క్రష్, నన్ను ఘోరంగా అవమానించింది: కాజోల్ గురించి కరణ్ జోహార్

అక్షయ్ కుమార్ మీద కాజోల్ క్రష్

‘ఓసారి కాజోల్‌ను పార్టీలో కలిశాను. హెన్నా మూవీ ప్రీమియర్ సందర్భంగా ఆ పార్టీ జరిగింది. అప్పుడు అక్షయ్ కుమార్ మీద కాజోల్‌కు చాలా క్రష్ ఉండేది. మొత్తం ప్రీమియర్ అయ్యే వరకు ఆమె అతడిని చూస్తూనే ఉంది. నేను సపోర్టుగా ఉన్నాను. ఆ ఈవెంట్ అయ్యేంత వరకు ఇద్దరం అక్షయ్‌ను చూస్తూనే ఉండిపోయాం. కానీ మేము అక్షయ్‌ను పట్టుకోలేక పోయాం. అ సమయంలోనే మా ఇద్దరి మధ్య ప్రెండ్షిప్ మొదలైంది. ఇద్దరి నివాసం కూడా సౌత్ ముంబైలోనే కావడంతో స్నేహం మరింత బలపడింది' అని కరణ్ జోహార్ తెలిపారు.

ఆయన డ్రెస్ చూసి నవ్వు ఆగలేదు

కరణ్, తాము మొదట కలిసినపుడు జరిగిన సంఘటన గురించి ఈ సందర్భంగా కాజోల్ ప్రస్తావించారు. ‘డిస్కో‌థెక్‌లో జరుగుతున్న ఫిల్మ్ పార్టీలో నేను ఉన్నాను. ఆపుడు కరణ్ జోహార్ 3 పీస్ సూట్లో వచ్చాడు. ఆయన్ని అలా చూసినపుడు నాకు నవ్వు ఆగలేదు, ఆయన అలాంటి డ్రెస్ ధరించడం చూసి ఆశ్చర్యపోయాను' అన్నారు.

ఘోరంగా అవమానించింది

‘అపుడు నా వయసు కేవలం 17 సంవత్సరాలు. ఫిల్మ్ పార్టీ కాబట్టి అందరూ అలాగే వస్తారని నేను సూట్ వేసుకుని వెళ్లాను. తనూజా ఆంటీ(కాజోల్ తల్లి) మమ్మల్ని డాన్స్ చేయమని సూచించింది. నేను నా డాన్స్ చేస్తుంటే కాజోల్ నన్ను చూసి నవ్వడం ప్రారంభించింది. దాదాపు అరగంట నవ్వుతూనే ఉంది. దాన్ని నేను చాలా అవమానంగా ఫీలయ్యాను. అక్కడి నుంచి వెళ్లిపోయాను. నా జీవితంలో అంత అవమానం ఎప్పుడూ ఫేస్ చేయలేదు' అని కరణ్ జోహార్ తెలిపారు.

నాకు వేరే పేరు పెట్టాలనుకున్నారు

ఈ సందర్భంగా కాజోల్ మరో ఆసక్తికర విషయం వెల్లడించారు. ముందు తనకు ఇంట్లో వారు కాజోల్ అని కాకుండా మెర్సడెస్ అనే పేరు పెట్టాలనుకున్నట్లు తెలిపారు. ‘మా నాన్న మెర్సడెస్ అనే పేరు పెట్టాలనుకున్నారు. ఒక పర్సన్ తన కూతురురికి పేరు మీద కంపెనీ మొదలు పెట్టినపుడు... నేను ఎందుకు అలా చేయకూడదు అని ఆలోచించారు' అని గుర్తు చేసుకున్నారు.