అందరినీ ఏకిపారేసిన రాఘవేంద్రరావు కోడలు, కోపానికి కారణం?

జీరో

షారుక్ ఖాన్ నటించిన ‘జీరో' లాస్ట్ ఫ్రైడే విడుదలైంది. ఆనంద్ ఎల్ రాయ్ దర్శకత్వం వహించిన ఈ చిత్రంలో బువా సింగ్ అనే మరుగుజ్జు మనిషి జర్నీ మీరట్ నుంచి మార్స్ వరకు ఎలా సాగింది అనేది చెప్పే ప్రయత్నం చేశారు. ఈ కథను హిమాన్షు శర్మ రాయగా, అనుశర్మ, కత్రినా కైఫ్ ఫిమేల్ లీడ్ రోల్స్ చేశారు. ఈ చిత్రంలో షారుక్ ఖాన్ పెర్ఫార్మెన్స్‌కు ప్రశంసలు దక్కగా.... సినిమా కొందరు క్రిటిక్స్‌ను నిరాశపరిచింది.

రివ్యూలు చూసి షాకైన కనికా ధిల్లాన్

‘జీరో' చిత్రానికి చాలా వరకు నెగెటివ్ రివ్యూలు రావడంతో షాకైన కనికా ధిల్లాన్ సినిమా చూడటానికి వెళ్లారు. అనంతరం తన అభిప్రాయం వ్యక్తం చేస్తూ రెండు పేజీల నోట్ విడుదల చేశారు. ఇందులో ఆమె రివ్యూలు రాసిన క్రిటిక్స్‌ను విమర్శించే ప్రయత్నం చేశారు.

2018లో వచ్చిన గొప్ప మూవీ

‘జీరో' సినిమాపై కొందరి రివ్యూ చూస్తుంటే.... ఇది రివ్యూనా? లేక సినిమాపై వారి సొంత అభిప్రాయమా? అనేది అర్థం కావడం లేదు. ‘జీరో' చిత్రం చాలా బావుంది. 2018లో వచ్చిన గొప్ప చిత్రాల్లో ఇదీ ఒకటి అని వెల్లడించారు కనికా ధిల్లాన్.

అయ్యో! షారుక్ ఖాన్ ‘జీరో' బాక్సాఫీస్ పరిస్థితి ఎలా ఉందంటే...

వారు కొత్తదనం కోసం ప్రయత్నిస్తారు

'జీరో' దర్శకుడు ఆనంద్ ఎల్ రాయ్, రచయిత హిమాన్షు శర్మ కొత్తదనం కోసం ప్రయత్నిస్తుంటారు. అందుకు 'తను వెడ్స్ మను', 'తను వెడ్స్ మను రిటర్న్స్' వంటి సినిమాలే నిదర్శనం. 'జీరో' ద్వారా మరో కొత్త కోణం చూపించారు. షారుక్ లాంటి పెద్ద హీరో తన ఇమేజ్ పట్టించుకోకుండా ధైర్యంగా ఇలాంటి సినిమా చేశారు..... అంటూ కనికా సినిమాను విమర్శించిన వారిపై తనదైన శైలిలో ఎటాక్ చేశారు.

విరాట్ కోహ్లి రివ్యూ

కాగా... ‘జీరో' చిత్రంలో టీమిండియా కెప్టెన్ విరాట్ కోహ్లి భార్య అనుష్క శర్మ నటించిన సంగతి తెలిసిందే. ఈ నేపథ్యంలో కోహ్లి స్పందించారు. ‘జీరో' చిత్రం బాగా నచ్చిందని, చాలా ఎంజాయ్ చేశానని, అనుష్క పెర్ఫార్మెన్స్ ఆకట్టుకుందని ట్వీట్ చేశారు.