సల్మాన్ ఖాన్‌ని కత్రినా కైఫ్ పెళ్లి చేసుకుంటే.. షో మధ్యలో అర్జెంట్ అంటూ లేచిన స్టార్ హీరో!

సరదా సరదాగా

కత్రినా కైఫ్, వరుణ్ ధావన్ పాల్గొన్న ఈ షోకు సంబంధించిన ప్రోమో చాలా సరదాగా ఉంది. వరుణ్ ధావన్, కత్రినా కైఫ్ కలసి కరణ్ జోహాన్ ని పైకి ఎత్తేస్తున్నారు. వరుణ్, కరణ్ ఇద్దరూ వెరైటీగా హై ఫైని కాలితో ఇచ్చుకుంటున్నారు. ఇలాంటి సరదా సరదా సన్నివేశాల మధ్య సాగే ఈ ఎపిసోడ్ త్వరలో ప్రసారం కానుంది.

వరుణ్ ధావన్‌తో పెళ్లి

కరణ్ జోహార్ మాట్లాడుతూ.. కత్రినా నీవిప్పుడు సింగిల్ గా ఉన్నావు కదా.. వరుణ్ ధావన్ ని పెళ్లి చేసుకోవాలని ఎప్పుడూ అనిపించలేదా అంటూ ప్రశ్నించాడు. ఈ ప్రశ్నతో కత్రినా చాలా సిగ్గు పడిపోయింది. ఇక కరణ్ జోహార్.. వరుణ్ ధావన్ ని అడిగిన ప్రశ్న అయితే అందరిలో ఉత్కంఠ రేపుతోంది. ఈ ప్రశ్నకు వరుణ్ ఎలాంటి సమాధానం ఇచ్చి ఉంటాడు అని అంతా ఎదురుచూస్తున్నారు.

కత్రినా, సల్మాన్ ఖాన్ పెళ్లి

సల్మాన్ ఖాన్, కత్రినా కైఫ్ పెళ్లి చేసుకుంటే ఎలా ఉంటుందని భావిస్తున్నావు అంటూ కరణ్ జోహార్ వరుణ్ ధావన్ ని అడుగుతాడు. ఈ ప్రశ్నకు వరుణ్ సమాధానం ప్రోమోలో చూపించలేదు.

చిన్న పిల్లాడిలా అర్జెంట్ అంటూ

షో సరదాగా జరుగుతున్న సమయంలో వరుణ్ ధావన్ చిన్న పిల్లాడిలా పైకి లేచి నాకు అర్జెంట్.. పాస్ పోసుకోవాలి అని అడిగేస్తాడు. దీనికి బదులుగా కరణ్ జోహార్ మాట్లాడుతూ.. ఇది చాలా క్లాసీ షో.. పాస్ పోసుకోవడం ఏంటి అని అడుగుతాడు. దీనికి వరుణ్ ఇచ్చిన సమాధానం పొట్ట చెక్కలయ్యేలా నవ్విస్తుంది. ఏం.. క్లాస్ గా ఉండేవాళ్ళు పాస్ పోసుకోరా అని వరుణ్ ధావన్ అన్నాడు.