తుపాకీతో బెదిరించడం లేదు కదా.. కంగనాకు కరణ్ జోహార్ కౌంటర్.. వీడియో వైరల్!

రాక్షసుల్లా ప్రవర్తించారు..

సుశాంత్ సింగ్ మృతి చెందినప్పటి నుంచి కంగనా ఎక్కువగా కరణ్ జోహార్ ని టార్గెట్ చేస్తున్న విషయం తెలిసిందే. అలాగే అలియా భట్, మహేష్ భట్ వంటి వారిపై కూడా ఊహించని విధంగా కామెంట్ చేస్తోంది. ఒకానొక సమయంలో అవకాశాలు లేకుండా చేసి రాక్షసుల్లా ప్రవర్తించారని చెప్పిన కంగనా ఎవ్వరిని వదిలిపెట్టను అని వార్నింగ్ లు ఇస్తోంది.

వీడియో వైరల్..

అసలు మ్యాటర్ లోకి వస్తే.. గతంలో కరణ్ జోహార్ కంగనాపై ఒకసారి ఊహించని విధంగా ఆగ్రహం వ్యక్తం చేశారు. ఆమె మానసిక పరిస్థితి బాగా లేదంటూ ఎమోషనల్ బ్లాక్ మెయిల్ చేసే రకమని డైరెక్ట్ ఇంటర్వ్యూలలోనే కౌంటర్ ఇచ్చారు. అదే విధంగా 2017లో లండన్‌ స్కూల్‌ ఆఫ్‌ ఎకనామిక్స్‌ అంతర్జాతీయ సమావేశం సందర్భంలో కరణ్‌ జోహర్‌.. కంగనను తీవ్రంగా విమర్శించారు. అందుకు సంబంధించిన వీడియో ఇప్పుడు ఇంటర్నెట్ లో వైరల్ అవుతోంది.

తుపాకీతో బెదిరించడం లేదు కదా..

ఆ వీడియోలో కరణ్ ఏమన్నారంటే.. ఆమె ప్రతిసారి మహిళను అనే పాయింట్ తోనే సానుభూతి పొందడానికి ప్రయత్నం చేస్తూ ఉంటుంది. ఎప్పుడు కూడా నేను బాధితురాలిననే అంటూ ఇండస్ట్రీలోని వారు ఆమెను బెదిరించిన విషాదకర స్టోరీల గురించి చెబుతుంది. మిమ్మల్ని తుపాకితో బెదిరించి నటించమని అనడం లేదు కదా..

Sushant Singh Rajput : Rhea Chakraborty తో గొడవ కారణంగానే Sushant సూసైడ్ చేసుకున్నాడా ?

ఇష్టం లేకపోతే వెళ్ళిపోండి

ఇష్టం లేకపోతే ఇండస్ట్రీని వదిలి వెళ్ళండి. వేరే పని చేసుకోండి. అంతేగాని ప్రతిసారి అవతలి మనిషి ఈగోను రెచ్చ గొడితే ఇలాంటి పరిస్థితులు ఎదుర్కోవాల్సి ఉంటుంది' అని కరణ్ ఆ వీడియోలో స్వీట్ కౌంటర్ ఇచ్చారు. దీంతో ఇంటర్నెట్ లో ఆ వీడియో ఇప్పుటి వివాదాల కారణంగా మళ్ళీ వైరల్ అవుతోంది. ఇక కరణ్ జోహార్ పై మళ్ళీ ఎప్పటిలానే నెటిజన్స్ ట్రోలింగ్ తో నిద్ర లేకుండా చేస్తున్నారు.