సెక్స్, స్వయం తృప్తి గురించి కియారా అద్వానీ సంచలన వ్యాఖ్యలు!

ఇలాంటివి అంగీకరించడానికి సమయం పడుతుంది

ఒకప్పుడు సినిమాల్లో ముద్దు సీన్లు చేయడాన్ని బూతద్దంలో పెట్టి చూసేవారు. కానీ ఇపుడు ఇలాంటి సినిమాల్లో సర్వసాధారణం అయిపోయాయి. ప్రేక్షకులు కూడా వాటిని అంగీకరిస్తున్నారు. అదే విధంగా స్వయంతృప్తి సీన్లను అంగీకరించడానికి సమయ పడుతుంది అని కియారా అద్వానీ అన్నారు.

పెళ్లికి ముందు సెక్స్ తప్పు కాదు

ఒకప్పుడు పెళ్లికి ముందు సెక్స్ తప్పు అనే అభిప్రాయం నాలో ఉండేది. అయితే ఇపుడు నా అభిప్రాయం మారింది. సెక్స్ అనేది ప్రేమను వ్యక్తపరిచే ప్రక్రియ. పెళ్లికి ముందు శృంగారంలో పాల్గొనడం అనేది వ్యక్తిగతం, ఇందులో తప్పొప్పులు వెతకాల్సిన పనిలేదని కియారా తేల్చి చెప్పారు.

ఆ సీన్లు చేసేపుడు ఇబ్బంది పడలేదు

‘లస్ట్ స్టోరీస్' మూవీలో స్వయం తృప్తి సీన్ చేసేపుడు ఎలాంటి ఇబ్బంది పడలేదు. మేము మా జాబ్ చేస్తున్నామని మాకు తెలుసు. దర్శకుడు కరణ్ జోహార్ ఆ సీన్ ఫన్నీగా కాకుండా రియలిస్టిక్‌గా చేయాలని సూచించారు. సెన్సేషన్ కోసం ఇలాంటివి చేయలేదు. స్క్రిప్టు ప్రకారం అది కీలకం కాబట్టే ఆ సీన్ చేయడం జరిగింది అని కియారా తెలిపారు.

లస్ట్ స్టోరీస్

లస్ట్ స్టోరీస్ అనేది ఒక ఆంథాలజీ(సంపుటి) చిత్రం. ఫీచర్ ఫిల్మ్, షార్ట్ ఫిల్మ్ మాదిరిగానే ఇది ఓ రకమైన సినిమా. ఈ చిత్రానికి జోయా అక్తర్, దిబాకర్ బెనర్జీ, కరణ్ జోహార్, అనురాగ్ కశ్యప్ దర్శకత్వం వహించారు. 120 నిమిషాల నిడివిగల ఈ సినిమాలో ఈ నలుగురు డైరెక్టర్లు ఒక్కో పార్ట్‌కు డైరెక్షన్ చేశారు. నెట్‌ప్లిక్స్‌లో దీన్ని విడుదల చేశారు.

కియారాకు ఎక్కువ గుర్తింపు

‘లస్ట్ స్టోరీస్' మూవీలో కియారా అద్వానీ, రాధిక ఆప్టే, భూమి ఫడ్నేకర్, మనీషా కొయిరాలా, విక్కీ కౌశల్, నేయిల్ భూపాలమ్, నేహా ధూపియా, సంజయ్ కపూర్, ఆకాష్ తోసర్ లాంటి ప్రముఖులు నటించారు. అయితే స్వయంతృప్తి సీన్ కారణంగా అందరికంటే హైలెట్ అయింది కియారా. ఈ బ్యూటీ ప్రస్తుతం రామ్ చరణ్-బోయపాటి చిత్రంలో హీరోయిన్‌గా నటిస్తోంది.