కరణ్‌తో రొమాంటిక్ రిలేషనా? ముచ్చటైన జంట వ్యాఖ్యపై మనీష్ ఫైర్!

కరణ్‌కు మనీష్ మల్హోత్రా బర్త్‌డే విషెస్

ఇటీవల దర్శక, నిర్మాత కరణ్ జోహర్ 46 ఏట అడుగుపెట్టారు. ఆ సందర్భంగా హ్యాపీ హ్యాపీ బర్త్ డే మై డియరెస్ట్, బెస్టెస్ట్ ఫ్రెండ్. ఈ ఏడాదిలో కూడా మీకు మంచి జరుగాలి. మన మధ్య 25 ఏళ్ల ఫ్రెండ్‌షిప్ ఉంది. అప్పటి నుంచి కలిసి పనిచేస్తున్నాం. అలాగే మన స్నేహం కలకాలం నిలిచిపోవాలి అంటూ కామెంట్ పెట్టాడు

మీరిద్దరు ముచ్చటైన జంట

తనతోపాటు కరణ్ జోహర్‌ ఉన్న ఫోటోను మనీష్ మల్హోత్రా పోస్ట్ చేశారు. వారిద్దరూ కౌగిలించుకొని ఉండటంపై ఓ నెటిజన్ స్పందించారు. మీరిద్దరూ ముచ్చటైన, అందమైన జంట అని కామెంట్ చేశారు. ఆ కామెంట్‌పై మనీష్ భగ్గుమన్నారు.

కరణ్‌తో రొమాంటిక్ రిలేషనా?

కరణ్‌కు నాకు మధ్య రొమాంటిక్ రిలేషన్ ఉందని వస్తున్న కామెంట్లు, కథనాలు చాలా దారుణం. ఆ విధంగా అలా సంబంధాలను అంటగడుతారు. కరణ్ నాకు బ్రదర్ లాంటి వాడు అని మనీష్ వివరణ ఇచ్చారు.

కరణ్, మనీష్ రిలేషన్‌పై చర్చ

హీరో, హీరోయిన్ల మధ్య రిలేషన్‌షిప్ వార్తలు రావడం బాలీవుడ్‌లో చాలా సహజం. కానీ కరణ్, మనీష్ మధ్య ఇలాంటి రిలేషన్ వార్తలు రావడం ఏమిటనే చర్చ హిందీ సినీ పరిశ్రమ వర్గాల్లో జరుగుతున్నది. దీంతో మనీష్‌ మల్హోత్రా జీవితంపై అనేక సందేహాలు, అనుమానాలు వ్యక్తమవుతున్నాయి.