నేను అది కోల్పోయాను.. లాక్‌డౌన్‌లో బాగా ఆలోచించా.. నటుడికి విడాకులిచ్చిన భార్య

తాజాగా వెలుగులోకి..

బాలీవుడ్ ప్రముఖ నటుడు నవాజుద్దీన్ సిద్దిఖీ విడాకుల వ్యవహారాం చాలా ఆలస్యంగా వెలుగులోకి వచ్చింది. మే 7న నవాజుద్దీన్ భార్య ఆలియా సిద్దిఖీ వాట్సప్ మెయిల్ ద్వారా విడాకుల నోటీస్ పంపింది. కానీ ఈ వార్త ఆలస్యం వెలగులోకి వచ్చింది. అయితే ఆయన మాత్రం ఇంత వరకు స్పందించలేదని, ఈ వ్యవహారంపై మీడియాతో మాట్లాడుతూ అనేక విషయాలను వెల్లడించింది.

పదేళ్ల నుంచీ సమస్యలే..

విడాకుల విషయంపై ఆలియా మాట్లాడుతూ.. ‘అందరి దృష్టికి తీసుకురాలేని ఎన్నో సమస్యలున్నాయ్.. కానీ అవన్నీ నేను ఎప్పుడు పబ్లిక్‌గాచెప్పలేదు.. పదేళ్ల క్రితం మేము పెళ్లి చేసుకున్నప్పటి నుంచీ సమస్యలు ఉన్నాయ్.

అది కోల్పోయాను..

ఈ లాక్ డౌన్ సమయం నాకు చాలా ఉపయోగపడింది. ఆత్మవిమర్శన చేసుకునే టైమ్ దొరికింది. ఆత్మ గౌరవం ఎంతో ముఖ్యమైంది. కానీ నేను అది పూర్తిగా కోల్పోయాను. నా వద్ద ఇప్పుడు అది లేదు. ఎవ్వరూ లేని దానిలా ఫీల్ అయ్యేదాన్ని. ఒంటరితనాన్నే అనుభించిన ఫీలింగ్ కలిగేది.

సొంత ఐడెంటీపైనే..

ఆయన సోదరుడు షమాస్ కూడా ఓ కారణమే. ఇక నేను నా నిజమైన గుర్తింపుకే మళ్లిపోవాలనుకుంటున్నాను. ఇకపై అంజనా కిషోర్ పాండేగానే ఉండాలనుకుంటున్నాను.. ఎవరి పేరు మీదో, ఐడెంటిపైనో బతకాలని అనుకోవడం లేదు.

కలిసే ఉద్దేశం లేదు..

భవిష్యత్తు గురించి అంతగా ఆలోచించలేదు.. ఏది అనిపిస్తే అది చేస్తున్నాను. కానీ ఇక ఈ బంధాన్ని మాత్రం కొనసాగించాలని అనుకోవడం లేదు. మళ్లీ కలిసే ఉద్దేశం కూడా లేదు. మా పిల్లల్ని నా కస్టడీలోనే ఉంచాలని కోరాను' అని చెప్పుకొచ్చింది. అయితే ఈ వ్యవహారంపై నవాజుద్దీన్ మాత్రం ఇంత వరకు స్పందించలేదు.