నటుడితో ప్రముఖ సింగర్ వివాహం... లవర్స్ డే ముహూర్తం?

ప్రేమ అలా మొదలైంది

నీతి మోహన్ బ్యాండ్‌లో మెంబర్‌గా ఉన్న ఒక వ్యక్తితో తనకు స్నేహం ఉందని, నీతిని తనకు పరిచయం చేయాలని అతడిని కోరానని, అయితే ఆ ప్రయత్నం ఫలించలేదని నిహార్ పాండ్యా తెలిపారు. అయితే ఇద్దరు అదే ఫ్రెండ్ వెడ్డింగ్ సందర్భంగా గోవాలో సంవత్సరం క్రితం కలిశారట. అక్కడి నుంచి వీరి లవ్ స్టోరీ మొదలైందట. నీతిని ఒక చెట్టుకిందకు తీసుకెళ్లి ఆమెపై పూల వర్షం కురిపిస్తూ ప్రపోజ్ చేసినట్లు నిహార్ ఈ షోలో వెల్లడించినట్లు తెలుస్తోంది.

తన ప్రేమను అలా చాటుకుంది

ఇటీవల ‘మణికర్ణిక' సినిమా విడుదల సందర్భంగా నీతి మోహన్... నిహార్ ఫోటోస్ షేర్ చేస్తూ అతడిపై తన ప్రేమను చాటుకున్నారు. సినిమాలో నిహార్ పాత్రకు సంబంధించిన ఫోటోస్ షేర్ చేస్తూ మురిసిపోయారు.

నిహార్ పాండ్యా

‘మణికర్ణిక' చిత్రంలో నిహార్ పాండ్యా... ప్రాణ్ సుఖ్ యాదవ్ అనే పాత్రలో నటించారు. కంగనా రనౌత్ ప్రధాన పాత్రలో నటించిన ఈ మూవీ బాక్సాఫీసు వద్ద మంచి విజయం సొంతం చేసుకుంది. ఇప్పటి వరకు ఈ మూవీ రూ. 60 కోట్లు వసూలు చేసింది.

నీతి మోహన్

నీతి మోహన్ ఇటీవలే తన న్యూ సింగిల్ ‘కిత్తె రే గయా' టీజర్ విడుదల చేశారు. కాగా.. కొంతకాలం క్రితం నిహార్, దీపిక పదుకోన్ మధ్య లవ్ ఎఫైర్ ఉన్నట్లు వార్తలు వచ్చాయి. అయితే ఇపుడు ఆమె రణవీర్ సింగ్‌ను పెళ్లాడిన సంగతి తెలిసిందే.