Nimrat kaur: నటికి చేదు అనుభవం.. 90 గంటలు మానసికంగా ఒత్తిడికి గురైనట్లు ఆవేదన

ఎయిర్ లిఫ్ట్​లో..

మోడల్​గా, నటిగా.. ఇటు భారత్​, అటు అమెరికాలో గుర్తింపు పొందింది నిమ్రత్ కౌర్. రాజస్థాన్​కు చెందిన నిమ్రత్​ కౌర్​ 2002లో సినీ ఇండస్ట్రీకి ఎంట్రీ ఇచ్చింది. అక్షయ్​ కుమార్​ సరసన ఎయిర్ లిఫ్ట్​లో, దివంగత నటుడు ఇర్ఫాన్​ ఖాన్​తో ది లంచ్​ బాక్స్​ సినిమాలతో మంచి పేరు తెచ్చుకుంది.

చివరిగా దస్వీ..

అలాగే అమెరికన్​ టెలివిజన్​ సిరీస్​ హోమ్​ల్యాండ్​లో కూడా నటించి అక్కడ గుర్తింపు తెచ్చుకుంది. నిమ్రత్​ కౌర్ చివరిగా అభిషేక్​ బచ్చన్​ నటించిన పొలిటికల్​, కామెడీ థ్రిల్లర్​ దస్వీ చిత్రంలో అలరించింది. యామీ గౌతమ్​తోపాటు నిమ్రత్​ కౌర్ పాత్రకు మంచి ప్రాధాన్యత లభించింది.

లగేజ్​ బ్యాగ్​ మిస్​..

ఇదిలా ఉంటే తాజాగా నిమ్రత్​కు విమాన ప్రయాణంలో చేదు అనుభవం ఎదురైంది. వివరాల్లోకి వెళితే.. అమెరికా ఎయిర్​ లైన్ డెల్టాలో ఇండియాకు వచ్చింది నిమ్రత్ కౌర్. ఈ క్రమంలో ఎయిర్​పోర్ట్​లో తన లగేజ్​ బ్యాగ్ ఒకటి మిస్​ కాగా, మరొకటి డ్యామేజ్​ అయింది.

మరొకటి డ్యామేజ్​..

ఇదే విషయాన్ని ట్విటర్ వేదికగా తెలియజేస్తూ డ్యామేజ్​ అయిన బ్యాగ్​ ఫొటోలను షేర్​ చేసింది. ''డెల్టా ఎయిర్​ లైన్​ సిబ్బంది నా లగేజ్​ను ఎక్కడో మిస్​ చేసింది. అలాగే మరొక బ్యాగ్​ పూర్తిగా డ్యామేజ్​ అయింది. దీంతో నేను 90 గంటలకుపైగా తీవ్ర మానసిక, శారీరక ఒత్తిడికి గురయ్యాను.

నిమ్రత్​ కౌర్ ఆవేదన..

ఈ విషయంలో డెల్టా సంస్థ బాధ్యాతారాహిత్యం స్పష్టంగా తెలుస్తోంది. ఇప్పటికైనా డెల్టా సంస్థ దీనిపై స్పందించి మిస్​ అయిన నా లగేజ్​ బ్యాగ్​ ఎక్కడుందో కనిపెట్టి నాకు చేర్చాలని కోరుకుంటున్నా'' అని నిమ్రత్​ కౌర్ ఆవేదన వ్యక్తం చేసింది.

స్పందించిన డెల్టా..

ఈ ట్వీట్​పై స్పందించిన డెల్టా ఎయిర్​లైన్స్ ఆమె ఫిర్యాదుపై తక్షణమే చర్యలు తీసుకుంటామని, అప్పటివరకు తమతో సహకరించాలని నిమ్రత్ కౌర్​ను విజ్ఞప్తి చేసింది. కాగా 1982 మార్చి 13న, రాజస్థాన్​లోని పిలనిలో జన్మించింది ఈ బాలీవుడ్​ నటి నిమ్రత్ కౌర్.