ఆ క్షణంలో నెర్వెస్‌గా ఫీలై.. వద్దనుకొన్నాం.. ఇక ఆలస్యం చేయ్యెద్దని కమిట్ అయ్యాం!

మేమిద్దరం పెళ్లి చేసుకొన్నాం..

నవాబ్‌తో పెళ్లి నిజమే. ఢిల్లీలో ప్రైవేట్‌ కార్యక్రమంగా జరిగిన వేడుకలో మేమిద్దరి పెళ్లి చేసుకొన్నాం. మా పెళ్లికి కేవలం ఇరు కుటుంబాలు మాత్రమే హాజరయ్యారు. మా మధ్య అఫైర్ సాగుతున్న సమయంలో నవాబ్ తప్ప మరొకరు నా జీవిత భాగస్వామి కాలేరనిపించింది. ఇక ఆలస్యం చేయడం ఇష్టం లేక ఆర్య సమాజ్‌లో పెళ్లి చేసుకొన్నాం. ఇక ఆగడం వల్ల ప్రయోజనం లేదనే నిర్ణయానికి వచ్చాం అని పూజా బాత్రా అన్నారు.

బాగా రీ కనెక్ట్ అయ్యాం

మేమిద్దరం ఒకే ప్రొఫెషనల్‌లో ఉండటం వల్ల మా మధ్య అవగాహన చక్కగా కుదిరింది. ఈ మధ్య ఫిబ్రవరిలో కామ్ ఫ్రెండ్ ద్వారా కలిశాం. అప్పటి నుంచి మేము చక్కగా కలిసిపోయాం. మా జీవితంలో కొన్ని ఒడిదుకుల మధ్య సరైన సమయంలో ఒకరికొకరం బాగా రీ కనెక్ట్ అయ్యాం. మా ఇద్దరి ఆలోచనలు ఒకేలా ఉండటంతో మరింత దగ్గరయ్యాం అని పూజా బాత్రా పేర్కొన్నారు.

మా మధ్య మానసిక పరిపక్వతతో

మా ఇద్దరి మధ్య మానసిక పరిపక్వతతో కూడిన బంధం ఏర్పడింది. మా మధ్య ఎలాంటి అరమరికలు లేవు. నవాబ్‌లో కుటుంబ పరమైన లక్షణాలు నన్ను బాగా ఆకట్టుకొన్నాయి. మా మధ్య స్నేహం కంటే మరేదో బంధం ఉందని గ్రహించాం. అందుకే పెళ్లికి నిర్ణయం తీసుకొన్నాం అని పూజా బాత్రా వెల్లడించారు.

అలా ప్రపోజ్ చేయాలని..

నవాబ్ ఓ ఎయిర్‌పోర్టులో నాకు ప్రపోజ్ చేయాలనుకొన్నాడు. కానీ ఎందుకో నెర్వస్‌గా ఫీలై, ఆ ఆలోచనను మానుకొన్నాడు. ఆ తర్వాత తరచూ కలుసుకొంటూ ఉంటున్న సమయంలో ఓ రోజు ఢిల్లీలో ప్రపోజ్ చేశాడు. ఆ తర్వాత నా తల్లిదండ్రులకు, ఆయన పేరెంట్స్‌కు తెలియజేసి అంగీకారం తీసుకొన్నాం అని పూజా బాత్రా అన్నారు.