For Quick Alerts
    ALLOW NOTIFICATIONS  
    For Daily Alerts

    సడక్ 2 డిస్ లైకులపై స్పందించిన పూజా భట్, ట్రెండింగ్ లో ఉన్న ట్రైలర్

    |

    బాలీవుడ్ లో సుశాంత్ సింగ్ రాజ్ పుత్ మరణం రాజేసిన నెపోటిజం సెగ, రావణ కాష్టంలా రగులుతూనే ఉంది. ఈ మధ్యకాలంలో వస్తున్న నెపో కిడ్స్ సినిమాలు ఈ సెగకు ఆహుతి అవుతున్న వైనం కళ్లకు కడుతూనే ఉంది. శ్రీదేవి తనయ జాన్వి కపూర్ గుంజన్ సక్సేనా సినిమా వైఫల్యమే ఇందుకు తాజా ఉదహారణగా చెప్పొచ్చు. అయితే, సుశాంత్ కేసులో కీలకంగా మారిన మహేశ్ భట్ తాజా సినిమా సడక్ 2కు ఈ సెగ మరింత గట్టిగా తగులుతోంది.

    ఇటీవలే విడుదలైన సడక్ 2 ట్రైలర్ కు సుమారు 60లక్షల డిస్ లైక్ లు పడగా, కేవలం 30వేల లైకులు మాత్రమే దక్కాయి. దీంతో సినిమా పని అయిపోయిందనే అంతా అనుకున్నారు. కానీ, అన్ని డిస్ లైక్ లు వచ్చినా, ట్రైలర్ ట్రెండింగ్ వీడియోల్లోకి వచ్చేసింది. అంటే, ట్రైలర్ ను ద్వేషిస్తూనే, జనాలు ఎక్కువగా దాన్ని చూసేస్తున్నారని అర్ధమవుతోంది.

    Pooja responds on Sadak 2 dislikes, Actress is optimistic as the trailer is trending.

    ఇక సోషల్ మీడియాలో ఈ మధ్య కాస్త యాక్టివ్ గా మారిన మహేశ్ భట్ పెద్ద కూతురు పూజా భట్ సడక్ 2 ట్రైలర్ ట్రెండింగ్ లోకి రావడంపై స్పందించింది. జనాలు మెచ్చినా మెచ్చకపోయినా సడక్ 2 ట్రైలర్ ట్రెండింగ్ లోకి వచ్చింది, 'డిస్ లైక్ ల గురించి మీరేమీ బాధపడాల్సిన అవసరం లేదు' అని ఓ అభిమాని చేసిన ట్వీట్ కు రిప్లై ఇస్తూ, 'భాధేమీ లేదు. ప్రేమ/ద్వేషం అనేవి నాణేనికి రెండు ముఖాలు' అని ట్వీట్ చేసింది. 'రెండింటినీ మ్యానేజ్ చేయాలి, ట్రైలర్ ను ట్రెండింగ్ లోకి తీసుకువచ్చిన వారందరికీ ధన్యవాదాలు' అంటూ రిప్లై ఇచ్చింది. ఏమైనా ఇప్పటికైతే గండం గట్టేక్కినట్లే. మరి సినిమా విడుదల సమయానికి ఇంకెన్ని వివాదాలు వార్తలకు ఎక్కుతాయో చూడాలి.

    English summary
    Pooja Bhatt finally responds on Sadak2 trailer getting most dislikes, Says Lovers/Haters are both sides of same coin. And she thanks everyone who makes the trailer trending on the platform.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X