Don't Miss!
- News స్కాట్లాండ్లో ట్రెక్కింగ్ కోసం వెళ్లి ఇద్దరు తెలుగు విద్యార్థులు మృతి
- Sports ముక్కలవుతున్న ముంబై.. హార్దిక్ను విమర్శిస్తూ నబీ పోస్ట్
- Lifestyle ఎండాకాలంలో ఈ ఫుడ్స్కు దూరంగా ఉండాలి.. లేదంటే డీహైడ్రేషన్ తప్పదు..
- Technology ధర రూ.1799 కే, Youtube ,UPI ఫీచర్లతో Itel కొత్త ఫీచర్ ఫోన్! సేల్ వివరాలు
- Automobiles ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
మాజీ ప్రియుడిని క్షమించి వదిలేసిన సీనియర్ హీరోయిన్!
అందాల తార ప్రీతి జింతా 2014 ఐపీఎల్ సీజన్ సందర్భంగా తన మాజీ ప్రియుడు నెస్ వాడియాపై లైంగిక వేధింపుల కేసు నమోదు చేసిన సంగతి తెలిసిందే. అప్పట్లో ఈ కేసు పెద్ద సంచలనమే సృష్టించింది. దీనితో నెస్ వాడియా పెద్ద చిక్కుల్లో పడ్డాడని అంతా భావించారు. ఎట్టకేలకు ఈ కేసు ముగిసింది. ప్రీతి జింతా, నెస్ వాడియా మాజీ ప్రేమికులు. ఐపీఎల్ పంజాబ్ జట్టుకు కో ఓనర్స్ గా కూడా ఉన్నారు.
వేధింపులతో
2014 మే 30న పంజాబ్, చెన్నై మ్యాచ్ సందర్భంగా ఈ సంఘటన చోటు చేసుకుంది. మ్యాచ్ టికెట్స్ పంపిణి విషయంలో వాడియా సిబ్బందిని దూషిస్తుండడంతో ప్రీతి జింతా అడ్డుకుంది. అప్పటి నుంచి తనని తిడుతూ, లైంగికంగా వేధిస్తున్నాడని ప్రీతి జింతా వాడియాపై పిర్యాదు చేసింది.
కనిపించకుండా చేస్తా
నువ్వు కేవలం ఒక నటివి. నేను తలచుకుంటే నిన్ను కనిపించకుండా చేస్తా. నాతో పెట్టుకుంటే ఏమవుతుందో చూపిస్తా అంటూ బెదిరింపులకు పాల్పడ్డాడని నెస్ వాడియాపై ప్రీతి ఆరోపణలు చేసిన సంగతి తెలిసిందే. దీనితో పలు సెక్షన్ల కింద నెస్ వాడియాపై కేసు నమోదైంది.
నాలుగేళ్లుగా
నాలుగేళ్లుగా ఈ కేసు కొనసాగుతూనే ఉంది. కేసు నమోదు కావడంతో తాను విదేశాలు కూడా వెళ్ళలేకున్నానని వాడియా ఇటీవల కోర్టులో మొరపెట్టుకున్నాడు. ఈ నేపథ్యంలో కోర్టు ఆంక్షల వలన ఇబ్బందులు ఎదురవుతుండడంతో సామరస్యంగా పరిష్కారించుకోవాలని భావించాడు. గత కొన్ని నెలలుగా ప్రీతీ జింతతో నెస్ వాడియా చర్చలు జరుపుతున్నట్లు తెలుస్తోంది.
క్షమాపణలు చెప్పడంతో
నెస్ వాడియా ప్రీతి జింతాకు వ్యక్తిగతంగా క్షమాపణలు చెప్పడంతో ఇద్దరూ రాజీకి వచ్చినట్లు తెలుస్తోంది. ప్రీతి జింతా వాడియాపై నమోదు చేసిన కేసు వెనక్కి తీసుకోవడంతో ఈ వివాదం ఇంతటితో ముగిసింది. బాంబే హై కోర్టు తాజగా ఈ కేసుని కొట్టివేసింది.