షాకింగ్ టీజర్: ప్రియా వారియర్ బాలీవుడ్ డెబ్యూ మూవీలో శ్రీదేవి డెత్ సీన్?

శ్రీదేవి అనే పాత్ర చుట్టూ...

శ్రీదేవి అనే పాత్ర చుట్టూ ఈ మూవీ సాగుతుంది. 'ఓ నటిగా తాను కోరుకున్న పేరు, డబ్బు, సంతోషం, అభిమానులు అన్నీ దేవుడు ఇవ్వడంతో చాలా అదృష్టవంతురాలిని అని ఆమె ఫీలయ్యేలోపే అనుకోని సమస్య.... అదేమిటనేది సస్పెన్స్ రేకెత్తిస్తూ ఈ టీజర్ కట్ చేశారు.

శ్రీదేవి డెత్ సీన్

అతిలోక సుందరి శ్రీదేవి దుబాయ్‌లో హోటల్‌లో బాత్ టబ్‌లో పడిపోయి చనిపోయిన సంగతి తెలిసిందే. తాజాగా విడుదలైన టీజర్లో ప్రియా వారియర్ శ్రీదేవి పేరుగల పాత్రలో నటించడం, బాత్ టబ్‌లో పడి చనిపోయినట్లు చూపించడంతో... అందరికీ ఒక్కసారిగా గతేడాది జరిగిన విషాద సంఘటన గుర్తు చేసింది.

శ్రీదేవి జీవితం గురించి కాదు...

‘శ్రీదేవి బంగ్లా' మూవీ నటి శ్రీదేవి జీవితం గురించి కాదనే అనేది విస్పష్టం. అయితే అతిలోక సుందరిని గుర్తు చేసేలా పాత్రకు ఆమె పేరు పెట్టడం, ఫిల్మ్ స్టార్‌గా చూపించడం, కొన్ని సీన్లు యాడ్ చేయడం ద్వారా సినిమాపై ఆసక్తి పెంచే ప్రయత్నం చేశారు.

శ్రీదేవి బంగ్లా

ప్రశాంత్ మాంబుల్లి దర్శకత్వం వహించిన ఈ చిత్రాన్ని చంద్రశేఖర్ ఎస్.కె, ఎంఎన్ పింపుల్ నిర్మించారు. త్వరలోనే ఈ మూవీ డేట్ ప్రకటించనున్నారు. కాగా... ప్రియా వారియర్ నటించిన తొలి చిత్రం తెలుగులో ‘లవర్స్ డే' టైటిల్‌తో ఫిబ్రవరి 14న విడుదల చేసేందుకు ప్లాన్ చేస్తున్నారు.