వయసులో పదేళ్ల చిన్నోడితో ప్రియాంక పెళ్లి.. ముహుర్తం ఫిక్స్.. ! భారత్‌కు దూరం!

సెప్టెంబర్ 16న మ్యారేజ్

తాజా సమాచారం ప్రకారం ప్రియాంక చోప్రా, నిక్ పెళ్లి తేడి సెప్టెంబర్ 16 నిశ్చయించినట్టు తెలిసింది. ఆ రోజు నిక్ జోనాస్ 26 ఏట అడుగుపెట్టనున్నారు. అతడి జన్మదినం రోజే ప్రియాంకను వివాహం చేసుకోబోతున్నట్టు సమాచారం. వధూవరులకు ఆ రోజు డబుల్ ధమాకాగా మారే అవకాశం ఉంది.

ప్రియాంక బర్త్ డే రోజే

ప్రియాంక, నిక్ జోన్స్ పెళ్లి వెనుక ఆసక్తికరమైన వార్త బయటకు వచ్చింది. ప్రియాంక బర్త్ డే రోజున తన లవ్‌ను నిక్ ప్రపోజ్ చేశాడట. దానిని బ్యాలెన్స్ చేయడానికి నిక్ జన్మదినం రోజున ప్రియాంక పెళ్లి డేట్ ఫిక్స్ చేసిందట.

ప్రియాంక చోప్రా కంటే నిక్ జోనాస్

ఇక వయసు విషయంలో ప్రియాంక కంటే నిక్ జోనాస్ పదేళ్లు చిన్నవాడు. ప్రియాంక వయసు 36 సంవత్సరాలు కాగా, నిక్ జోన్స్ వచ్చే సెప్టెంబర్‌కు 26 ఏట ప్రవేశించనున్నాడు. తన కంటే తక్కువ వయసు ఉన్న కుర్రాడిని ప్రియాంక పెళ్లి చేసుకోవడం సినీ వర్గాల్లో చర్చనీయాంశమైంది.

భారత్‌ నుంచి తప్పుకోనున్న..

నిక్ జోనాస్‌తో పెళ్లి కారణంగానే సల్మాన్ ఖాన్ నటించే భారత్ చిత్రం నుంచి ప్రియాంక తప్పుకొన్నారు. భారత్ చిత్రంలో ప్రియాంక నటించడం లేదని ఆ చిత్ర దర్శకుడు ధృవీకరించాడు. ప్రియాంక భవిష్యత్ బాగుండాలి. సుఖ:సంతోషాలతో జీవితాన్ని గడపాలని చిత్ర యూనిట్ పేర్కొన్నది.