సల్మాన్‌కు అవమానం.. భారత్ నుంచి తప్పుకున్న తరువాత ప్రియాంక చోప్రా ఏంచేసిందో తెలుసా!

జంటగా చూడాలని

సల్మాన్ ఖాన్, ప్రియాంక కలసి నటించి చాలా కాలం అవుతోంది. ఇప్పుడు ప్రియాంక చోప్రా స్థాయి వేరు. ప్రియాంక ఇంటర్నేషనల్ స్టార్ గా మారిపోయింది. హాలీవుడ్ లో సైతం పీసీ సత్తా చాటుతోంది. వీరిద్దరిని ఓ చిత్రంలో జంటగా చూడాలని అభిమానులు ముచ్చటపడ్డారు. కానీ ఆ కోరిక తెరలేదు.

భారత్‌కు నో

మొదట భారత్ చిత్రం కోసం అలీ జాఫర్ ప్రియాంక చోప్రాని సంప్రదించారు. కానీ ఈ చిత్రానికి పీసీ ఒప్పుకోలేదు. ఆమె త్వరలో వివాహం చేసుకోబోతోందని అందువలనే సల్మాన్ ఖాన్ సినిమాకు అంగీకరించలేదని బాలీవుడ్ లో వార్తలు వచ్చాయి.

దర్శకుడు కూడా

అలీ అబ్బాస్ కూడా పరోక్షంగా ఇదే విషయాన్ని ట్వీట్ చేశాడు. ప్రియాంక చోప్రా భారత్ చిత్రంలో నటించడం లేదు. దానికి కారణం చాలా ప్రత్యేకమైనది. ఆమె తన జీవితంలో కీలక నిర్ణయం తీసుకోబోతోంది అంటూ ట్వీట్ చేశాడు. దీనితో ప్రియాంక, ఆమె ప్రియుడు నిక్ జోనస్ త్వరలో వివాహం జరుగుతుందనే వార్తలు బలపడ్డాయి.

సల్మాన్‌కు అవమానం

తాజాగా మీడియాలో వస్తున్న వార్తలతో సల్మాన్ అభిమానులు పీసీపై మండి పడుతున్నారు. ప్రియాంక చోప్రా భారత్ చిత్రానికి నో చెప్పిన తరువాత హాలీవుడ్ లో ఓ చిత్రానికి సైన్ చేసినట్లు అక్కడి మీడియాలో వార్తలు గుప్పుమంటున్నాయి. ఇది సల్మాన్ ఖాన్ ని అవమానించడమే అని అంటున్నారు.

యాక్షన్ చిత్రం

హాలీవుడ్ లో తెరకెక్కుతున్న కౌబాయ్ నింజా వికింగ్ చిత్రంలో ప్రియాంక చోప్రా హీరోయిన్ గా నటించబోతున్నట్లు తెలుస్తోంది. క్రిస్ ప్రాట్ సరసన పీసీ హీరోయిన్ గా ఎంపికైనట్లు తెలుస్తోంది. ఈ వార్తలు నిజమైతే పీసీ మరో వివాదానికి అగ్గి రాజేసినట్లే.