అలియా, రణ్‌బీర్ డెస్టినేషన్ వెడ్డింగ్‌ రద్దు.. కొత్త ప్లాన్ ఇదేనట.. డిసెంబర్‌లో పెళ్లికి..

రిషికపూర్ అనారోగ్యం కారణంగా

గత కొద్దినెలల క్రితమే రణ్‌బీర్ కపూర్, అలియాభట్ పెళ్లి జరుగాల్సి ఉంది. కానీ రణ్‌బీర్ తండ్రి రిషి కపూర్ క్యాన్సర్ బారిన పడటం, అమెరికాలో చికిత్స జరగడంతో పెళ్లి వాయిదా వేయాల్సి వచ్చింది. ఇప్పుడు రిషి ఆరోగ్యం బ్రహ్మండంగా ఉండటంతో రణ్‌బీర్ పెళ్లి విషయం మళ్లీ తెరపైకి వచ్చింది.

డిస్టినేషన్ వెడ్డింగ్ వద్దని..

బాలీవుడ్ మీడియా ప్రకారం.. రణ్‌బీర్, ఆలియాభట్ పెళ్లి డిసెంబర్ చివరి వారంలో వారం రోజులపాటు జరిగేలా ప్లాన్ చేస్తున్నారట. అయితే ముందుగా వీరి పెళ్లిని డెస్టినేషన్ వెడ్డింగ్‌గా ప్లాన్ చేసినప్పటికీ.. పరిస్థితుల కారణంగా వాయిదా వేసినట్టు తెలుస్తున్నది. రానున్న పరిస్థితుల ఎలా ఉంటాయో అనే విషయాన్ని దృష్టిలో ఉంచుకొని సంప్రదాయ పెళ్లికే ఏర్పాట్లు చేస్తున్నట్టు సమాచారం.

డిసెంబర్ 21న పెళ్లి

బాలీవుడ్ మీడియా కథనాల ప్రకారం.. ఆలియా, రణ్‌బీర్ కపూర్ పెళ్లిని 21 డిసెంబర్‌గా నిర్ణయించినట్టు తెలుస్తున్నది. ముంబై తరహాలో బాజా, బరాత్ మాదిరిగా ధూంధాంగా నిర్వహించాలనే ఆలోచనలో ఇరు కుటుంబాలు ఉన్నట్టు తెలుస్తున్నది. డిసెంబర్ 21వ తేదీ నుంచి కనీసం పెళ్లి వేడుకలను జరిగేలా ప్లాన్ చేస్తున్నట్టు సమాచారం.

ఆలియా, రణ్‌బీర్ కపూర్ కెరీర్..

ఇక ఆలియాభట్, రణ్‌బీర్ కెరీర్ విషయానికి వస్తే.. వీరిద్దరూ కలిసి బ్రహ్మాస్త్రలో నటిస్తున్నారు. ఇక అలియాభట్ గుంగూభాయ్ కథియావాడీ, సడక్ 2 చిత్రాలకు గ్రీన్ సిగ్నల్ ఇచ్చారు. అలాగే RRR మూవీ ఆమె ఖాతాలోనే ఉంది. ఇక రణ్‌బీర్ కపూర్ శంషేరా అనే చిత్రంలో నటిస్తున్నాడు.