Don't Miss!
- News కేసీఆర్కు మరో షాక్: బీఆర్ఎస్కు కడియం శ్రీహరి, కావ్య గుడ్బై, వరంగల్ కాంగ్రెస్ ఎంపీగా బరిలో
- Sports RR vs DC: రఫ్ఫాడించిన ఆవేశ్ ఖాన్.. ఓడిపోయే మ్యాచ్లో గెలిచిన రాజస్థాన్ రాయల్స్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
తాప్సీతో హీరోయిన్ సోదరి కయ్యం... రంగంలోకి దర్శకుడు, గొడవలు ఎందుకు అంటూ?
కంగనా రనౌత్, రాజ్ కుమార్ రావ్ ప్రధాన పాత్రల్లో తెరకెక్కిన బాలీవుడ్ చిత్రం 'జడ్జిమెంటల్ హై క్యా' ట్రైలర్ బుధవారం విడుదలైన సంగతి తెలిసిందే. ట్రైలల్ అద్భుతంగా ఉండటంతో పలువురు బాలీవుడ్ ప్రముఖులు ప్రశంసలతో ముంచెత్తారు.
''జడ్జిమెంటల్ హై క్యా' ట్రైలర్ చూశాను, నాకు చాలా బాగా నచ్చింది. సినిమాపై నాలో అంచనాలు మరింత పెంచేలా చేసింది.'' అంటూ తాప్సీ ట్వీట్ చేసింది. అయితే సినిమాను పొగుడుతూ చేసిన ఈ ట్వీట్ మీద కంగనా సోదరి రంగోళి చందల్ అసంతృప్తి వ్యక్తం చేశారు. ఆమె ఆగ్రహానికి కారణం తన సోదరి పేరు ప్రస్తావించకపోవడమే.
నా సోదరిని ప్రశంసించడం మీకు ఇష్టం లేదా?
అందరూ ‘జడ్జిమెంటల్ హై క్యా' ట్రైలర్ మీద ప్రశంసలు గుప్పిస్తున్నారు. కానీ నా సోదరి కంగనా రనౌత్ ప్రతిభ గురించి మాట్లాడటానికి ఎవరూ ఇష్ట పడటం లేదు. నా సోదరిపై వివక్ష కొనసాగుతుంది అనడానికి ఇదొక ఉదాహరణ. తాప్సీ జీ ఇలాంటి చీప్ ట్రిక్స్ ఆపండి' అంటూ రంగోళి చందల్ ఫైర్ అయ్యారు.
రంగంలోకి దర్శకుడు అనురాగ్ కశ్యప్, గొడవలు ఎందుకు అంటూ...
తాప్సీపై రంగోళి చందల్ చేసిన కామెంట్లపై ప్రముఖ బాలీవుడ్ దర్శకుడు అనురాగ్ కశ్యప్ స్పందించారు. ‘ఎందుకు ఇలా మాట్లాడతావ్ రంగోళి.. ఎదుటివారిని నిరాశ పరిచే ఇలాంటి వైఖరి మంచిది కాదు. నువ్వు ఇలా ఎందుకు మాట్లాడుతున్నావో అర్థం కావడం లేదు. ప్రతి దానికి గొడవ పెట్టుకోవాలనుకోవడం సరైంది కాదు' అని ట్వీట్ చేశారు.
నేను ఇద్దరితో పని చేశాను, అందుకే నీ మాటలు నచ్చడం లేదు
నేను కంగనా, తాప్సీ ఇద్దరితో పని చేశాను. అందుకే నీ మాటలు నేను జీర్ణించుకోలేక పోతేన్నాను. ట్రైలర్ మీద పొగడ్తలు గుప్పించడం అంటే అందులో కంగనా నటనతో సహా అన్ని అంశాలను పొగడటమే.' అంటూ అనురాగ్ కశ్యప్ వ్యాఖ్యానించారు.
జడ్జిమెంటల్ హై క్యా
జడ్జిమెంటల్ హై క్యా చిత్రానికి రాఘవేంద్రరావు తనయుడు ప్రకాష్ కోవెలమూడి దర్శకత్వం వహించగా, ఆయన భార్య కనికా థిల్లాన్ కథ అందించారు. బాలాజీ మోషన్ పిక్చర్స్ పతాకంపై ఏక్తా కపూర్ నిర్మించారు. జులై 26న ఈ మూవీ ప్రేక్షకుల ముందుకు రాబోతోంది. కంగనా రనౌత్ ఇందులో తడబాటు, సంక్లిష్ట మనస్తత్వం, అనుమానాస్పదంగా కనిపించే బాబీ అనే పాత్రలో నటించింది. రాజ్ కుమార్ రావు కేశవ్ పాత్ర పోషించాడు. కేశవ్.. బాబీ పక్క ఇంట్లో అద్దెకు దిగుతాడు. అతడిపై బాబీ ఓ కన్నేసి ఉంచుతుంది. అతడి నార్మల్ లైఫ్ అంతా ఫేక్ అని గుర్తిస్తుంది. ఓ హత్య కేసులో పోలీసులు ఈ ఇద్దరినీ అనుమానిస్తారు. తమను తాను నిర్దోషులుగా ప్రూవ్ చేసుకునే క్రమంలో వీరి మధ్య జరిగే ఫైట్ ఆసక్తి కరంగా చూపించబోతున్నారు.