Don't Miss!
- Sports IPL 2024: రెండుగా చీలిన ముంబై ఇండియన్స్.. హార్దిక్ మాట వినని రోహిత్ గ్రూప్!
- News న్యూయార్క్ టైమ్స్ స్క్వేర్లో భూపాలపల్లి ఫొటోగ్రాఫర్ చిత్రం ప్రదర్శన
- Automobiles నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
ఏకధాటిగా 5 నిమిషాలు లిప్లాక్.. డైరెక్టర్ కుట్రతో రేఖకు చేదు అనుభవం!
వెండితెరపైన వెలిగిపోయే ఏ స్టార్ హీరోయిన్కైనా కెరీర్ తొలినాళ్లలో చేదు అనుభవాలు తప్పవనేది కాదనలేని వాస్తవం. ప్రొఫెషనల్గా ఉన్నత స్థానానికి ఎదిగిన ఏ హీరోయిన్నైనా కదిలిస్తే.. తాము నడిచి వచ్చింది పూలబాట కాదు అనే విషయాన్ని స్పష్టం చేస్తారు. ఇలా ఎందరో తారామణులు తమ జీవితంలోని చీకటి కోణాలను కొన్నిసార్లు పంచుకొంటారు. తాజాగా ఐదు దశాబ్దాలకుపైగా బాలీవుడ్లో రారాణిలా ఎదుగుతున్న రేఖ కెరీర్ జీవితంలో కూడా కొన్ని చేదు అనుభవాలు కూడా ఉన్నాయనేది తాజాగా బయటకు వచ్చాయి.
రేఖ: ది అన్టోల్డ్ స్టోరి పుస్తకంలో
ఇటీవల రేఖ జీవితంలోని కీలక ఘట్టాలను ఆధారంగా చేసుకొని రాసిన రేఖ: ది అన్టోల్డ్ స్టోరి అనే పుస్తకంలో యాసిర్ ఉస్మాన్ అనే రచయిత కొన్ని ఆసక్తికరమైన విషయాలను వెల్లడించారు. అంజనా సఫర్ అనే చిత్రం షూటింగ్ జరిగే సమయానికి రేఖకు 15 ఏళ్లు. ఆ సమయంలో బిస్వజీత్ అనే హీరోతో కొన్ని రొమాంటిక్ సీన్లు చిత్రీకరించారు. ఆ సమయంలో ఆమెకు చెప్పకుండా ఓ సుదీర్ఘమైన లిప్లాక్ను తీశారు అనే విషయాన్ని తన పుస్తకంలో పొందుపరిచారు.
అంజనా సఫర్ చిత్రంలో
బాంబేలోని మహబూబ్ స్టూడియోలో అంజనా సఫర్ అనే సినిమా షూటింగ్ జరుగుతుంది. ఆ సినిమాకు రాజా నవాతే అనే వ్యక్తి దర్శకత్వం, సినిమాటోగ్రఫి బాధ్యతలు నిర్వహించారు. ఆ సినిమా తొలి షెడ్యూల్లోనే బిస్వజిత్, రేఖ మధ్య గాఢమైన ముద్దు సీన్కు ప్లాన్ చేశారు. రేఖకు ఆ విషయాన్ని చివరి నిమిషం వరకు చెప్పకుండా ఆమెను ఇబ్బందికి గురిచేశారు అని యాసిర్ ఉస్మాన్ తన పుస్తకంలో ప్రస్తావించారు.
ఐదు నిమిషాలపాటు కిస్ సీన్
షూటింగ్ సందర్భంగా బిస్వజీత్, రేఖను సెట్లోలోకి తీసుకెళ్లారు. రాజా నవాతే యాక్షన్ చెప్పారు. వెంటనే రేఖను బిస్వజీత్ తన కౌగిలిలోకి తీసుకొని పెదాలపై పెదాలు పెట్టాడు. ఇలాంటి సీన్ ఉంటుందని తెలియకపోవడంతో రేఖ బిత్తరపోయింది. కెమెరా అలా రోల్ అవుతూనే ఉంది. డైరెక్టర్ కట్ చెప్పకపోవడంతో బిస్వజిత్ ముద్దు సీన్లోనే ఉండిపోయాడు. దాదాపు 5 నిమిషాల తర్వాత డైరెక్టర్ కట్ చెప్పాడు. దాంతో రేఖ ఊపిరి పీల్చుకొన్నది అని యాసిర్ ఆ సీన్ గురించి విపులంగా రాశారు.
Recommended Video
కంటతడి పెట్టిన రేఖ
డైరెక్టర్ రాజా కట్ చెప్పగానే చిత్ర యూనిట్ అంతా చప్పట్లు, ఈలలతో మార్మోగింది. రేఖ పరిస్థితి మరీ దారుణంగా మారింది. రేఖ కన్నీటి పర్యంతమైంది. ఆమె పరిస్థితిని ఎవరూ పట్టించుకోకపోగా.. సీన్ బాగా వచ్చిందని ఆనందపడిపోయారు. తర్వాత ఆ సీన్ గురించి హీరో బిస్వజిత్ మాట్లాడుతూ.. ఆ ప్లాన్ అంతా డైరెక్టర్దే. కేవలం నేను ఆయన సూచనలు పాటించాను. నా సంతోషం కోసం కాదు.. ఆ సీన్ సినిమాకు చాలా కీలకం అని అన్నారు. కానీ రేఖకు మాత్రం తన జీవితంలో ఓ చేదు అనుభవంగా మారిందనే విషయాన్ని రచయిత యాసిర్ స్పష్టం చేశారు.