Don't Miss!
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- News బాలకృష్ణకు షాక్: హిందూపురంలో నామినేషన్ వేసిన స్వామి పరిపూర్ణానంద
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
ఆ ప్రచారం నమ్మొద్దు.. హీరో పెళ్లికి మా సినిమాకు సంబంధం లేదంటున్న దర్శకుడు!
బాలీవుడ్ నటుడు వరుణ్ ధావన్ తన ప్రియురాలు నటాషా దలాల్తో పీకల్లోతు ప్రేమలో మునిగితేలుతున్న సంగతి తెలిసిందే. ఈ ఏడాదే వీరి పెళ్లి జరుగబోతోందనే వార్తలు సైతం తెరపైకి వచ్చాయి. వీరి పెళ్లి కారణంగా ప్రస్తుతం వరుణ్ ధావన్ నటిస్తున్న 'స్ట్రీట్ డాన్సర్ 3డి' చిత్రం ఆలస్యం అవుతోందని, అందుకే రిలీజ్ డేట్ నవంబర్ 2019 నుంచి జనవరి 2020కి వాయిదా వేశారని టాక్.
ఈ వార్తలపై దర్శకుడు రెమో డిసౌజా స్పందించారు. ఓ బాలీవుడ్ పత్రికతో ఆయన మాట్లాడుతూ... వరుణ్ ధావన్ పెళ్లికి, సినిమా ఆలస్యం కావడానికి ఎలాంటి సంబంధం లేదని స్పష్టం చేశారు. పోస్ట్ ప్రొడక్షన్ పనులు హెవీగా ఉండటమే ఇందుకు కారణమన్నారు. సాధారణ ఫార్మాట్లో సినిమా చేయడానికి.. 3డిలో చేయడానికి చాలా తేడా ఉంటుందని, అందుకే మేము అనుకున్న సమయంలో పూర్తి కాలేదని తెలిపారు.
వరుణ్ ధావన్ పెళ్లి గురించి తనకు తెలియదని, అతడు ఎప్పుడు, ఎవరిని పెళ్లాడబోతున్నాడనే విషయంలో తనకు ఎలాంటి అవగాహన లేదు అన్నారు. వరుణ్ ధావన్ సైతం గతంలో తాను పెళ్లి చేసుకోబోతున్నట్లు వచ్చిన వార్తలను ఖండించారు.
కాగా... వరుణ్ ధావన్ పెళ్లిపై ఆయన తండ్రి డేవిడ్ ధావన్ స్పందిస్తూ...'వరుణ్ పెళ్లి కోసం అందరూ ఎదురు చూస్తున్నారని తెలుసు. వారిలో నేనూ ఒకరిని, వరుణ్ పెళ్లి చేసుకుంటే నాతో పాటు కుటుంబ సభ్యులకు సంతోషమే. త్వరలోనే అన్ని వివరాలు వెల్లడిస్తామని తెలిపారు.
బాలీవుడ్ మీడియా కథనాల ప్రకారం వరుణ్ ధావన్-నటాసా దలాల్ వివాహం డిసెంబర్ చివరలో జరిగే అవకాశం ఉంది. మూడు రోజుల వేడుకగా ఈ పెళ్లి జరుగబోతున్నట్లు సమాచారం. కాగా... వరుణ్ ధావన్-శ్రద్దా కపూర్ జంటగా నటిస్తున్న 'స్ట్రీట్ డాన్సర్ 3డి' చిత్రం జనవరి 24న విడుదల చేసేందుకు సన్నాహాలు చేస్తున్నారు.