వేశ్యలని వాళ్ళతో పోల్చుతావా.. మండిపడ్డ సీనియర్ హీరోయిన్!

మా అమ్మ చెప్పింది

సుచిత్ర సోషల్ మీడియాలో బాగా యాక్టివ్ గా ఉంటుంది. తరచుగా తన అభిప్రాయాలని అభిమానులతో పంచుకుంటుంది. గతంలో తన తల్లి చెప్పిన ఓ విషయాన్ని గుర్తు చేసుకుంటూ సుచిత్ర ట్వీట్ చేసింది. మా అమ్మ చాలా కరెక్ట్ గా చెప్పింది. జీవితంలో డబ్బే సర్వసం కాదు. ఆ విషయం నాకు ఇప్పుడు భోదపడుతోంది. వ్యక్తిత్వం ముఖ్యం. ఇలాంటి విషయాలని మా అమ్మ నా చిన్నతనంలో చెప్పేది అని సుచిత్ర తెలిపింది.

వేశ్యలని వాళ్ళతో పోల్చుతూ

జీవితంలో డబ్బు ప్రధానం కాదు. ఎందుకంటే డబ్బు నేరస్థుల దగ్గర, వేశ్యల దగ్గర కూడా ఉంటుంది. మా అమ్మ మాటల్లో నిజాన్ని ఇప్పుడు గ్రహిస్తున్నా అని సుచిత్ర పేర్కొంది. సుచిత్ర ట్వీట్ పై కొందరు నెటిజన్లు కూడా మండిపడుతున్నారు. వేశ్యలని, నేరస్తుల్ని ఒక్కటి చేసి మాట్లాడవద్దని సుచిత్రకు సూచిస్తున్నారు. సీనియర్ హీరోయిన్ రేణుక సహానే వేశ్యలకు, నేరస్థులకు మధ్య తేడాని వివరించి చెప్పారు.

అలా మాట్లాడడం సరికాదు

నేను మీ తల్లిని గౌరవిస్తాను. కానీ వేశ్యలని, నేరస్తుల్ని పోల్చడం సరికాదు. వేశ్యలు తమని తాము అమ్ముకుంటారు. కానీ నేరస్థులు ఇతరులని దోచుకుంటారు. వీరి మధ్య చాలా తేడా ఉంది అని రేణుక తెలిపింది. నిస్సహాయ పరిస్థితులలో కొందరు వేశ్యలుగా మారుతుంటారు. మన సమాజంలో వేశ్యలని వెలివేసి చూస్తాం. కానీ నేరస్థులకు మనం పార్లమెంట్ లో కూడా స్థానం కల్పిస్తున్నాం అని రేణుక తెలిపింది.

తప్పు ఒప్పుకుని

రేణుక వ్యాఖ్యలతో సుచిత్ర తన తప్పుని అంగీకరించారు. తాను ఈ వ్యాఖ్యలని ఎవరినో ఉద్దేశించి చేయలేదని సుచిత్ర తెలిపారు. రేణుక పలు చిత్రాల్లో హీరోయిన్ గా నటించారు. సెకండ్ ఇన్నింగ్స్ లో కూడా రేణుక తరచుగా వెండితెరపై మెరుస్తోంది. ఆమె బుల్లితెర నటిగా కూడా రాణించింది.