యంగ్ హీరోయిన్ ఫ్రీ హగ్స్.. రోడ్డునపోయే వారిని పిలిచిమరీ కౌగిలించుకుంటున్న బ్యూటీ! భలే ఆఫర్.

పిలిచిమరీ రెచ్చిపోతున్న హీరోయిన్.. ఫ్రీ కౌగిలింత

అలా నడుచుకుంటూ వెళ్తుంటే ఓ లేడీ పిలిచిమరీ కౌగిలింతలు ఇస్తే ఎవ్వరు మాత్రం వద్దంటారు చెప్పండి. అది కూడా ఓ హీరోయిన్ కౌగిలింత అంటే ఇక ఏకంగా క్యూ కట్టేస్తారు. అలాంటి వినూత్న ఒరవడికి శ్రీకారం చుట్టింది బాలీవుడ్ భామ రిచా చద్దా.

స్పెషల్ డే.. మరింత స్పెషల్‌గా మార్చుతూ

జనవరి 21వ తేదీకి ఓ స్పెషలిటీ ఉంది. ఆ రోజు అంతర్జాతీయ కౌగిలంతల దినోత్సవం. ఈ స్పెషల్ డేని మరింత స్పెషల్‌గా మార్చేసింది రిచా. వినూత్న పద్దతికి శ్రీకారం చుడుతూ అందరినీ కౌగిలింతల్లో ముంచెత్తింది. అపరిచితులుకు కౌగిలింతలు ఇచ్చి అందరినీ ఆశ్చర్యపరిచింది.

ఫ్రీ హగ్స్ అంటూ బోర్డు పెట్టుకొని మరీ

ముంబై లోని ఓ వీధిలో రిచా చద్దా ఈ కౌగిలింతల కార్యక్రమం చేపట్టింది. చేతిలో ఫ్రీ హగ్స్ అనే ఫ్లకార్డు పట్టుకొని మరీ దారిలో వెళుతున్న చాలా మందిని పిలిచి కౌగిలించుకుంది. పైగా ఈ హగ్స్ వీడియోలు, ఫోటోలను సోషల్ మీడియాలో పోస్ట్ చేసింది రిచా.

ఇప్పుడు మిస్ అయినా.. మళ్ళీ అవకాశం

''ఈ ప్రపంచంలో ద్వేషం ఎక్కువగా ఉంది. అందుకే ప్రేమతో దాన్ని తగ్గించాలనే ప్రయత్నంలో ఈ కౌగిలింతలు ఇస్తున్నా. ఇక ప్రతి యేడాది ఇలాగే చేస్తా.. ఈ యేడాది నన్ను హగ్ చేసుకోని వాళ్లు వచ్చే యేడాది జనవరి 21న అంతర్జాతీయ కౌగిలింతల దినోత్సవం రోజున కలవొచ్చు'' అని పేర్కొంటూ మరింత ఆశ్చర్యపరిచింది ఈ యంగ్ హీరోయిన్.

షకీలా బయోపిక్.. జనాల్లో హాట్ టాపిక్

ప్రస్తుతం ‘షకీలా' బయోపిక్ మూవీ చేస్తోంది రిచా చద్దా. గత కొంతకాలంగా షూటింగ్ జరుపుకుంటున్న ఈ సినిమా కోసం ప్రేక్షకలోకం ఆతృతగా ఎదురు చూస్తోంది. షకీలా నటించేందుకు గాను, ఆమెను స్వయంగా కూడా కలిసి వివరాలు తెలుసుకుంది రిచా. మొత్తానికి రిచా చేసిన కౌగిలింతల వ్యవహారం జనాల్లో హాట్ టాపిక్ అయింది.