Don't Miss!
- News Chengicherla: రాజా సింగ్ హౌస్ అరెస్ట్, బండి సంజయ్పై కేసు నమోదు
- Sports RR vs DC: చరిత్ర సృష్టించిన రిషభ్ పంత్.. ఒకే ఒక్కడిగా..!
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
గుండె పగిలేంతగా తండ్రిని తలుచుకొని రితేష్.. ఈ వీడియో చూస్తే కంటతడి పెట్టాల్సిందే
జెనీలియా భర్త రితేష్ దేశ్ముఖ్.. మాజీ సీఎం కుమారుడన్న సంగతి తెలిసిందే. మహారాష్ట్రకు రెండు పర్యాయాలు ముఖ్యమంత్రిగా సేవలందించిన విలాస్రావు 2012 ఆగస్ట్ 4న దివంగతులయ్యారు. అయితే నేడు (మే 26) ఆయన జయంతి. ఈ సందర్భంగా రితేష్ దేశ్ముఖ్.. తండ్రి జ్ఞాపకాలతో తడిసి ముద్దయ్యాడు. ఈ మేరకు షేర్ చేసిన ఓ వీడియో తన ఫ్యాన్స్నే కాక బాలీవుడ్ మొత్తాన్ని కదిలించింది. రితేష్ టిక్ టాక్లో ఫుల్ యాక్టివ్గా ఉంటాడన్న సంగతి తెలిసిందే. నేడు తన తండ్రి జయంతి కారణంగా.. కాస్త ఎమోషనల్ అయ్యాడు. దీనిపై బాలీవుడ్ సెలెబ్రిటీలందరూ స్పందించారు.
అనేక పదవులు..
విలాస్రావ్ దేశ్ముఖ్ మహారాష్ట్రకు రెండు సార్లు ముఖ్యమంత్రిగా వ్యవహరించారు. అంతేకాకుండా కేంద్ర క్యాబినేట్లోనూ మంత్రి పదవిని చేపట్టారు. సర్పంచ్గా మొదలైన ఆయన రాజకీయ జీవితంలో ఎన్నెన్నో పదవులను అలంకరించారు. నేడు ఆయన జయంతి సందర్బంగా కుమారుడు రితేష్ ఎమోషనల్ అయ్యాడు.
తండ్రి దుస్తులను పట్టుకుని..
హ్యాంగర్కు వేలాడదీసిన తన తండ్రి దుస్తులను చూస్తూ ఉన్నాడు. ఆ డ్రెస్ను వేసుకుంటున్నట్టుగా చేతులు మాత్రమే లోనిక పోనిచ్చాడు. అది తన తండ్రి చేతిగా భావిస్తూ.. తన తండ్రే ఓదారుస్తున్నట్టుగా తన చేతితో తనను ఓదార్చుకున్నాడు. ఇక ఈ వీడియో ఎందరినో ఎమోషనల్గా టచ్ చేసింది.
మిస్ అవుతూనే ఉన్నాం..
హ్యాపీ బర్త్ డే పప్పా, ప్రతీ రోజూ మిస్ అవుతున్నాను.. అని రితేష్ ఈ వీడియోను షేర్ చేశాడు. అటువైపు జెనీలియాసైతం ఎమోషనల్ అయింది. సెలెబ్రేట్ చేస్తున్నాం పప్పా.. ప్రతీరోజూ ప్రతీక్షణం మిమ్మల్నిమిస్ అవుతూనే ఉన్నామని భర్త షేర్ చేసిన వీడియోకు కామెంట్ చేసింది.
కదిలిన బాలీవుడ్..
రితేష్ షేర్ చేసిన ఈ వీడియోపై బాలీవుడ్ స్పందిస్తోంది. అంతేకాకుండా టాలీవుడ్లోని ప్రముఖులు కూడా కామెంట్ చేస్తున్నారు. అందులో దేవీ శ్రీ ప్రసాద్ చేసిన కామెంట్ తెగ వైరల్ అవుతోంది. మీ తండ్రికి హ్యాపీ మ్యూజికల్ బర్త్ డే.. పైనుంచి నీపై ప్రేమను కురిపిస్తూనే ఉంటారని కామెంట్ చేశాడు.