180 కోట్ల బడ్జెట్.. ఎన్నికల ముందు విజయేంద్ర ప్రసాద్ పెన్ను సత్తా, హాట్ టాపిక్ గా మారిన చిత్రం!

ఆర్ఎస్ఎస్ చీఫ్ పర్యవేక్షణలో

ఈ చిత్రం ఆర్ఎస్ఎస్ చీఫ్ మోహన్ భగవత్ పర్యవేక్షణలో రూపొందనునట్లు తెలుస్తోంది. ఆయన నిర్ణయం మేరకే కథ రూపుదిద్దికోబోతున్నట్లు తెలుస్తోంది. వచ్చే ఏడాది లోక్ సభ ఎన్నికల ముందు ఈ చిత్రాన్ని విడుదల చేసేందుకు ప్లాన్ చేస్తున్నారు.

బాహుబలి రచయిత

బాహుబలి రచయిత విజయేంద్ర ప్రసాద్ ఈ చిత్రానికి కథ అందించబోతున్నట్లు తెలుస్తోంది. ఆర్ఎస్ఎస్ చీఫ్ భగవత్, మరియు కీలక గురుమూర్తి అందించే సలహాల మేరకు విజయేంద్ర ప్రసాద్ స్క్రిప్ట్ సిద్ధం చేయనున్నట్లు తెలుస్తోంది.

త్వరలోనే ప్రారంభం

బాహుబలి 2 చిత్రం విడువులైన వెంటనే ఈ చిత్రానికి సంబందించిన పనులు ప్రారంభమైనట్లు తెలుస్తోంది. చిత్రాన్ని త్వరలోనే ప్రారంభిస్తారు. లహరి సంస్థ అధినేత తులసి నాయుడు బిజెపి నేతలకు సన్నిహితుడు. ఆర్ఎస్ఎస్ పై సినిమా తీయాలని ఆలోచన ఆయనదే.

బాహుబలి విడుదలైన వెంటనే

బాహుబలి 2 చిత్రం తరువాత తాను చెన్నై నుంచి బెంగుళూరు ప్రయాణిస్తుండగా ఈ ఆలోచన వచ్చినట్లు తులసి నాయుడు తెలిపారు. వెంటనే తన మేనేజర్ కు తెలిపి రెండు టైటిల్స్ రిజిస్టర్ చేయించానని అన్నారు. ఆర్ఎస్ఎస్, ఆర్ఎస్ఎస్ భాగ్వా ద్వాజ్ అనే టైటిల్స్ రిజిస్టర్ చేయించారు. ఆ తరువాత తాను, విజయేంద్ర ప్రసాద్ కలసి మోహన్ భగవత్ ని కలసి ఈ చిత్రం గురించి చర్చించాం అని అన్నారు.

దర్శకుడి కోసం ఎదురుచూపులు

ప్రస్తుతం తులసి నాయుడు ఈ చిత్రాన్ని తెరకెక్కించగల సరైన దర్శకుడి ఎదురుచూస్తున్నారు. రెండు నెలల క్రితమే విజయేంద్ర ప్రసాద్ కథ పూర్తి చేసి మోహన్ భగవత్ కి వినిపించారని ఆయన చాలా సంతోషపడ్డారని అన్నారు.

పరిశీలనలో స్టార్ హీరోల పేర్లు

ఈ చిత్రంలో నటించే నటీనటుల ఎంపిక జరుగుతోందని తులసి నాయుడు అన్నారు. పలువురు స్టార్ హీరోల పేర్లు పరిశీలిస్తున్నామని అన్నారు. కాగా ఈ చిత్రాన్ని హిందీ, తెలుగు భాషల్లో విడుదల చేయనున్నట్లు ఆయన తెలిపారు.