Don't Miss!
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- News మైండ్ బ్లాక్, డీసీఎం తమ్ముడి ఆస్తుల విలువ..? తల్లి, అన్న దగ్గర అప్పులు చేసిన సిట్టింగ్ ఎంపీ!
- Finance CRAMC IPO: త్వరలో కెనరా రోబెకో అసెట్ మేనేజ్మెంట్ కంపెనీ ఐపీఓ..!
- Sports హేటర్స్ ఎంతకు తెగించారు: చివరికి హార్దిక్ పాండ్యా వైఫ్ను కూడా
- Automobiles ప్రపంచంలోనే 'ది బెస్ట్ కారు' ఇదే.. 29 దేశాల నుంచి 100 మంది ఆటో మొబైల్ జర్నలిస్ట్లు ఎంపిక చేసిన కారు ఏదంటే??
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
హౌడీ మోడీ సభపై సల్మాన్ ఖాన్, అనుపమ్ ఖేర్ స్పందన.. ప్రధానిపై కామెంట్స్
అమెరికాలోని టెక్సాస్ నగరం హ్యూస్టన్లోని ఎన్ఆర్జీ స్టేడియంలో ఆదివారం నిర్వహించిన హౌడీ మోడీ సభ అట్టహాసంగా జరిగింది. దాదాపు 50 వేల మంది ఇండో అమెరికన్లు ఈ కార్యక్రమంలో పాల్గొన్నారు. మోడీ వేదిక వద్దకు రాగానే మోడీ... మోడీ అంటూ స్టేడియం నినాదాలతో దద్దరిల్లింది. అనంతరం ట్రంప్ 25 నిమిషాల పాటు మాట్లాడారు. భారత్, అమెరికా కలలను సాకారం చేసేందుకు ప్రధాని మోడీతో కలిసి పని చేస్తామని చెప్పారు.
ఈ కార్యక్రమంపై బాలీవుడ్ ప్రముఖులు సల్మాన్ ఖాన్, అనుపమ్ ఖేర్ సోషల్ మీడియా వేదికగా స్పందించారు. భారత్, అమెరికా దేశాల తత్సంబంధాలకు పెంపొందించేందుకు గాను ఈ కార్యక్రమం మార్గం సుగమం చేసిందని సల్మాన్ ట్వీట్ పెట్టారు. ఇక అనుపమ్ ఖేర్ స్పందిస్తూ.. ''ఓ అద్భుతమైన కార్యక్రమం హౌడీ మోడీ సభ. గతంలో ఎన్నడూ ఇలాంటి కార్యక్రమం చూడలేదు. ఈ సభలో 50 వేల మంది చూపిన ఎమోషన్స్ మరపురానివి. ప్రధాని మోడీ రియల్ రాక్ స్టార్. జయ హో'' అంటూ ట్వీట్ చేశారు.
ఇక ఈ సభలో నరేంద్ర మోడీని ట్రంప్ ఆకాశానికెత్తాడు. నరేంద్ర మోడీ గొప్ప నాయకుడు అని, ప్రపంచ సేవకుడు అని ట్రంప్ కొనియాడారు. భారత్తో పాటు ప్రపంచమంతటికీ మోడీ గొప్ప సేవ చేస్తున్నారని కితాబిచ్చారు. భారత అత్యున్నత విలువలు, సంస్కృతి అమెరికా విలువలతో కలిసిపోతాయన్నారు. ఇరుదేశాల మధ్య గతంలో లేనంతగా సంబంధాలు బలోపేతమయ్యాయని చెప్పారు. ప్రపంచానికి మనం మార్గనిర్దేశనం చేస్తున్నామని, అమెరికాలో ఆర్థిక సమానతలు వేగంగా తగ్గుతున్నాయన్నారు.