Don't Miss!
- News త్వరలో గురు-శుక్ర సంయోగం.. ఈ రాశులవారికి పట్టిందల్లా బంగారం
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
సల్మాన్ ఖాన్కు బెయిల్.. జోధ్పూర్ జైలుకు లాయర్ల పరుగులు.. సూర్యాస్తమయం అయితే!
Recommended Video
కృష్ణ జింకల వేట కేసులో బాలీవుడ్ సూపర్స్టార్ సల్మాన్ ఖాన్కు ఊరట లభించింది. 1998 సంవత్సరంలో నమోదైన ఈ కేసులో సల్మాన్కు జోధ్పూర్ కోర్టు ఐదేళ్ల జైలుశిక్షతోపాటు జరిమానా విధించిన సంగతి తెలిసిందే. గత రెండు రోజులుగా సల్మాన్ జోధ్పూర్ సెంట్రల్ జైలులో శిక్ష అనుభవిస్తున్నారు.
జోధ్పూర్ కోర్టు తీర్పును సవాల్ చేస్తూ ఎగువ కోర్టుకు అప్పీల్ చేస్తున్న నేపథ్యంలో సల్మాన్ తరఫు న్యాయవాదులు బెయిల్ పిటిషన్ దాఖలు చేశారు. ఈ నేపథ్యంలో శనివారం (ఏప్రిల్ 7వ తేదీన) పిటిషన్పై విచారణ చేపట్టిన న్యాయమూర్తి సల్మాన్ ఖాన్కు బెయిల్ మంజూరు చేశారు. 25 వేల రూపాయల చొప్పన రెండు పూచీకత్తులు సమర్పించాలని న్యాయమూర్తి తన తీర్పులో పేర్కొన్నారు.
జోధ్పూర్ జైలుకు పరుగులు
సల్మాన్ ఖాన్కు బెయిల్ లభించిన నేపథ్యంలో శనివారమే ఆయనను జైలు నుంచి రిలీజ్ చేయడానికి న్యాయవాదులు ప్రయత్నాలు చేపట్టారు. బెయిల్ మంజూరు చేయగానే న్యాయవాదులు జోధ్పూర్ కోర్టుకు పరుగులు పెట్టారు. బెయిల్ మంజూరుకు కావాల్సిన పత్రాలను సమర్పించే పనిలో న్యాయవాదులు నిమగ్నమయ్యారు.
సూర్యాస్తమయం తర్వాత సల్మాన్..
జైలు నిబంధనల ప్రకారం సూర్యాస్తమయం తర్వాత ఖైదీలను విడుదల చేయకూడదు. ఒకవేళ గడుపులోపల పత్రాలను సమర్పించకపోతే సల్మాన్ ఖాన్ మరో రోజు జోధ్పూర్ జైలులోనే ఉండాల్సి వస్తుంది. దాంతో డాక్యుమెంట్ల సమర్పణ పనిని లాయర్లు వేగం చేశారు. ఈ ప్రక్రియ అంతా సవ్యంగా సాగితే కొద్ది గంటల్లో సల్మాన్ జైలు నుంచి విడుదలయ్యే అవకాశం ఉంది.
విడుదలపై సందేహం లేదు
సల్మాన్ ఖాన్కు బెయిల్ లభించింది. ఖచ్చితంగా ఈ రోజే జైలు నుంచి విడుదల అవుతారు. సాయంత్రం 6 గంటల లోపే రిలీజ్ అవుతారు. అందులో ఎలాంటి సందేహం లేదు అని న్యాయవాది మహేష్ బోరా వెల్లడించారు. సల్మాన్ తరఫున బోరా తన వాదనలు వినిపించారు.
సల్మాన్ ఖాన్ అమాయకుడు
కృష్ణ జింకల వేట కేసులో సల్మాన్ ఖాన్ను ఉద్దేశపూర్వకంగా ఇరికించారు. ఈ కేసుతో ఆయనకు సంబంధం లేదు. సల్మాన్ అమాయకుడు. ఎగువు కోర్టులో సల్మాన్ నిర్దోషి అని తెలితే ఇన్ని రోజులు జైలులో ఉన్నందుకు ఎవరు బాధ్యత వహిస్తారు అని సల్మాన్ తరఫు న్యాయవాది మహేష్ బోరా వాదనలు వినిపించారు.