మరో వివాదంలో సల్మాన్ ఖాన్.. కండలవీరుడి మెడకు ‘శివలింగం’ ఉచ్చు

శివలింగంపై కర్ర చెక్కలు వేశారని

దంబంగ్ 3 సినిమా షూటింగ్‌లో భాగంగా శివలింగం ఫొటోలపై కర్ర చెక్కలను పెట్టడం వివాదానికి కారణమైంది. ఈ ఫోటోలు సోషల్ మీడియాలో స్వైర విహారం చేయడంతో ఈ సంఘటనకు రాజకీయ రంగు పులుముకున్నది. ఈ ఘటనపై బీజేపీ, కాంగ్రెస్‌ మధ్య మాటల యుద్ధం జరగడంతో వివాదంగా మారింది.

మనోభావాలను కించపరిచారని

హిందువుల మనోభావాలను కించపరిచే విధంగా రాష్ట్రంలో సంఘటనలు జరుగుతున్నాయి. ఆ క్రమంలో దంబంగ్ సినిమా షూటింగ్‌లో శివలింగంను అవమానించే విధంగా షూటింగ్ సిబ్బంది వ్యవహరించారు. వారిపై కేసు నమోదు చేయాలని బీజేపీ వర్గాలు డిమాండ్ చేశాయి.

రాజకీయాలు చేయొద్దని

బీజేపీ నేతలు కుంచిత స్వభావంతో వ్యవహరిస్తున్నారు. వారి ఆరోపణలకు, డిమాండ్లకు స్పందించాల్సిన అవసరం లేదు. ప్రతీ విషయాన్ని రాజకీయం చేయవద్దు. సున్నితమైన విషయాలను వివాదంగా మార్చవద్దు అని హితవు పలుకుతూ కాంగ్రెస్ నేతలు స్పందించారు.

శివలింగంకు అడ్డంగా కర్ర చెక్కలు

పవిత్ర శివలింగంపై ఎలాంటి వస్తువులు పడకుండా కర్ర చెక్కలను సిబ్బంది అడ్డంగా ఉంచారు. ఆ తర్వాత వాటిని తొలగించి ఆ ప్రాంతాన్ని శుభ్రపరిచారు అని స్థానిక మీడియా కథనాన్ని ప్రసారం చేసింది. మూడు రోజులు దంబంగ్ మూవీ షూటింగ్ జరుగుతుండగా సల్మాన్ ఖాన్‌పై కీలక సన్నివేశాలను చిత్రీకరిస్తున్నారు. గురువారం నుంచి సోనాక్షి సిన్హా షూటింగ్‌లో పాల్గొంటున్నారు.