విడాకులు ఇచ్చినా నాకు కోపం లేదు.. ఇంకా ప్రేమిస్తున్నాను.. భార్యతో స్టార్ హీరో తిరిగి కాపురం!

కలసి పార్టీలకు

చాలా రోజులుగా సుసాన్నె ఖాన్, హృతిక్ రోషన్ కలసి పిల్లలతో వెకేషన్స్, పార్టీలు, సినిమాలకు తిరుగుతున్నారు. స్టార్ సెలెబ్రిటీ జంట తిరిగి ఒక్కటి కాబోతున్నారనే వార్తలు అప్పటి నుంచే మొదలయ్యాయి. కానీ పిల్లల కోసం వీరిద్దరూ మంచి స్నేహితులుగా ఉంటున్నారని అంతా భావించారు. విడాకుల తరువాత కూడా వీరిద్దరూ ఇంత సన్నిహితంగా ఉండడంతో ఆసక్తిగా మారింది.

తొలిసారి విడాకుల గురించి

సుసాన్నె ఖాన్ తండ్రి సంజయ్ ఖాన్ తొలిసారి విడాకుల గురించి స్పందించారు. ఓ ఇంటర్వ్యూలో భాగంగా ఆయన ఆసక్తికర వ్యాఖ్యలు చేశారు. హృతిక్ రోషన్, సుసాన్నె ఖాన్ ఇప్పటికి మంచి స్నేహితులుగా ఉండడంతో నాకు చాలా సంతోషంగా ఉంది. విడాకులు తీసుకోవడం అనేది జీవితంలో అత్యంత బాధాకరమైన విషయం.

నా కూతురిని ఇంతవరకు అడగలేదు

విడాకుల కారణం ఏంటని ఇంతవరకు నేను నా కుమార్తెని అడగలేదు. ఈ విషయం సుసాన్నె, హృతిక్ కి మాత్రమే సంబందించిన విషయం అని సంజయ్ ఖాన్ అన్నారు. వారి మధ్య ఏం జరిగిందో వారికే తెలుసు. నా కుమార్తెని ఎంతగా ప్రేమిస్తున్నానో, హృతిక్ రోషన్ ని కూడా ఇప్పటికీ తాను అంతగా ప్రేమిస్తున్నాని సంజయ్ ఖాన్ అన్నారు. వారి మధ్య ఉన్న సమస్యలని పిల్లలపై పడకుండా స్నేహితులుగా ఉంటున్నారు. అది సంతోషాన్ని ఇచ్చే అంశం అని సంజయ్ ఖాన్ అన్నారు.

ఇప్పటికీ ఆశ ఉంది

సుసాన్నె, హృతిక్ రోషన్ వారి మధ్య ఉన్న సమస్యలని పరిష్కరించుకుని తిరిగి జీవితం కొనసాగిస్తారనే ఆశ తనకు ఇప్పటికీ ఉందని సంజయ్ ఖాన్ అన్నారు. నా మనవళ్లకు హృతిక్ రోషన్ తండ్రి. ఈ బంధాన్ని ఎవరూ చెరిపివేయలేరు. సుసాన్నె, హృతిక్ తిరిగి జీవితం ప్రారంభిస్తారనే నేను నమ్ముతున్నాను. ఆ రోజు కోసం ఎదురుచూస్తూ ఉంటాను అని సంజయ్ ఖాన్ అన్నారు.

కంగన రనౌత్ వివాదం

హృతిక్ రోషన్, కంగన రనౌత్ వివాదం ఎంత సంచలనం సృష్టించిందో, కంగనా రనౌత్ తో ప్రేమ లేఖల వివాదం కూడా అంతే సంచలనంగా మారింది. అప్పటి నుంచి హృతిక్ వ్యక్తిగత జీవితంలో ఒడిదుడుకులు మొదలయ్యాయి.