కష్టాల్లో సారా ఆలీఖాన్.. కోర్టు మెట్లు ఎక్కించిన తొలి చిత్రం!

బాలీవుడ్‌లో సారా అలీఖాన్

సైఫ్ ఆలీఖాన్, అమృతాసింగ్‌ కూతురు సారా అలీఖాన్ బాలీవుడ్‌లో కేదారినాథ్ చిత్రంతో అడుగుపెట్టింది. ఈ చిత్రంలో సుశాంత్ సింగ్ రాజ్‌పుత్‌తో జతకట్టింది. గత సెప్టెంబర్ 2017లో కేదారినాథ్‌ చిత్ర షూటింగ్ ప్రారంభమైంది. కానీ కొన్ని పరిస్థితుల్లో ఆ చిత్రం ఆగిపోయింది. అందుకు కారణం సారానే కారణమని నిర్మాత అభిషేక్ కపూర్ తన ఫిర్యాదులో పేర్కొన్నారు.

బాంబే హైకోర్టులో విచారణ

కేదారినాథ్ చిత్రానికి సంబంధించిన కేసు శుక్రవారం బాంబే హైకోర్టులో విచారించారు. కేదారినాథ్ చిత్రం పూర్తి చేసిన తర్వాత మరో చిత్రంలో నటించాలని నిర్మాత తరఫు న్యాయవాది కోర్టును కోరారు.

సింహా చిత్రంలో రణ్‌వీర్‌ సింగ్‌తో

ప్రస్తుతం సింహా చిత్రంలో సారా అలీఖాన్ నటిస్తున్నది. ఈ చిత్రం తెలుగులో పూరి జగన్నాథ్ రూపొందించిన టెంపర్ ఆధారంగా రూపొందింది. ఈ చిత్రంలో రణ్‌వీర్ సింగ్ హీరోగా నటిస్తున్నారు. ఏ మేరకు షూటింగ్‌కు పూర్తి చేయాల్సి ఉందని ఈ సందర్బంగా కోర్టు అడిగి తెలుసుకొన్నది.

కేసు తదుపరి విచారణ

సారా కేసుపై రోజంతా విచారణ జరిగింది. ఇరువర్గాలు అవగాహనకు రాకపోవడంతో ఈ కేసును తదుపరి విచారణకు వాయిదా వేశారు. సుమారు 15 రోజులపాటు సారా షూటింగ్‌కు హాజరుకావాల్సి ఉంటుంది అని కోర్టుకు వెల్లడించారు.