Don't Miss!
- Lifestyle చాణక్య నీతి : పొరపాటున కూడ భార్యకు ఈ 5 విషయాలు అస్సలు చెప్పకూడదు..!
- News డీజీ ఆంజనేయులు, సీపీ కాంతిరాణా టాటాపై ఈసీ బదిలీ వేటు: కీలక ఆదేశాలు
- Sports CSK vs LSG: శతక్కొట్టిన రుతురాజ్ గైక్వాడ్.. చితక్కొట్టిన శివమ్ దూబే!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
ఆమె కోసం ఎవరూ వెళ్ళరు.. ఆ చిత్రం చూసేది అందుకే.. నెటిజన్కు తాప్సి అదిరిపోయే కౌంటర్!
తాప్సి పలు సౌత్ ఇండియన్ చిత్రాల్లో నటించింది. కానీ ఆమెకు ఆశించిన స్థాయిలో విజయాలు దక్కలేదు. బాలీవుడ్ లోకి అడుగుపెట్టి విభిన్న చిత్రాలని ఎంచుకోవడం ప్రారంభించింది. దీనితో తాప్సి నటిగా మంచి గుర్తింపు దక్కింది. విజయాలు కూడా దక్కాయి. అవసరమైన చిత్రాల్లో గ్లామర్ ఆరబోయడానికి కూడా తాప్సి వెనుకాడలేదు. ఇదిలా ఉండగా తాప్సి, బిగ్ బి అమితాబ్ నటించిన బద్లా చిత్రం ఇటీవల విడుదలై మంచి విజయం సాధించింది. ఈ చిత్రం గురించి ప్రస్తావిస్తూ ఓ నెటిజన్ తాప్సిపై కామెంట్ చేశాడు. అతడికి అంతే సింపుల్ గా అదిరిపోయేలా తాప్సి కౌంటర్ ఇచ్చింది.
ఆమె కోసం ఎవరూ వెళ్ళరు
బద్లా చిత్రం మార్చి 8న విడుదలై విజయవంతంగా ప్రదర్శించబడుతోంది. ఓ నెటిజన్ ఈ చిత్ర సక్సెస్ గూరిచ్న్హి మాట్లాడుతూ సోషల్ మీడియాలో తాప్సిపై కామెంట్స్ చేశాడు. బద్లా చిత్రంలో ఇంత విజయవంతగా ఆడుతుందంటే అందుకు కారణం షారుఖ్ ఖాన్ అభిమానులు. తాప్సిని చూడడానికి ఎవరూ వెళ్ళరు అంటూ కామెంట్ చేశాడు. ఈ చిత్రంలో షారుఖ్ ఖాన్ నటించలేదు. ఆయనకు ఎలాంటి ప్రమేయం లేదు. కానీ కేవలం నిర్మాత కాబట్టి షారుఖ్ పై అభిమానంతో సినిమాకు వెళుతున్నాం అని ట్వీట్ చేశాడు.
కనీసం అదైనా ఉంది కదా
తాప్సి సదరు నెటిజన్ కు కూల్ గా కౌంటర్ ఇచ్చింది. ఈ చిత్రంలో షారుఖ్ కు ఎలాంటి ప్రమేయం లేదు. ఆయనకే కేవలం నిర్మాతే అనే వ్యాఖ్యలపై తాప్సి స్పందిస్తూ.. కనీసం ఆయన డబ్బు ప్రమేయం అయినా ఉంది కదా అంటూ సమాధానం ఇచ్చింది. కెరీర్ ఆరంభం నుంచే ఎలాంటి విషయం గురించి అయినా తాప్సి ముక్కు సూటిగా మాట్లాడడం నేర్చుకుంది.
చిన్నపాటి సంచలనమే
బద్లా చిత్రం విడుదలై విజయం సాధించిన తర్వాత ఓ పత్రికలో అమితాబ్ బచ్చన్ ని ప్రశంసిస్తూ కథనం వెలువడింది. అమితాబ్ ఈ చిత్రంలో అద్భుత నటన కనబరిచారని ఆ కథనంలో రాశారు. దీనిపై తాప్సి స్పందిస్తూ మహిళలు కూడా ఈ చిత్రం కోసం సమానంగా కష్టపడ్డారు. బహుశా ఆ విషయం పేర్కొనడానికి మీకు సమయం లేదేమో అంటూ తాప్సి సదరు పత్రికపై మండిపడింది. ఈ వ్యవహారం బాలీవుడ్ లో చిన్నపాటి సంచలనంగానే మారింది.
కృతి సనన్
ఈ విషయంలో మరో హాట్ బ్యూటీ కృతి సనన్ తాప్సి వ్యాఖ్యలని సమర్ధించింది. కార్తీక్ ఆర్యన్, కృతి జంటగా నటించిన లూకా చుప్పీ మంచి విజయం సాధించింది. కానీ ఆ చిత్ర క్రెడిట్ మొత్తం హీరోకే కట్టబెట్టారు అని కృతి సనన్ పేర్కొంది. తనది కూడా ఆ చిత్రంలో చాలా కీలక పాత్ర అయినప్పటికీ అంతా కార్తీక్ ఆర్యన్ జపమే చచేశారు అని కృతి పేర్కొంది.