రాకెట్ ఎక్కుతున్న షారుక్ ఖాన్, సూర్య.. ఫ్రెండ్ రిక్వెస్ట్‌ను కాదనలేక..

‘రాకెట్రీ' మూవీ కథ ఇదే

దేశ రహస్యాలను పొరుగు దేశాలకు చేరవేశాడనే ఆరోపణలపై శాస్త్రవేత్త నంబి నారాయణ్ అరెస్ట్ అయిన సంగతి తెలిసిందే. ఆ తర్వాత తనపై వచ్చిన ఆరోపణల్లో వాస్తవం లేదని, కేసు కొట్టివేశారు. అరెస్ట్ కాలంలో నంబి అనుభవించిన మానసిక క్షోభను, కుటుంబంలో చోటుచేసుకొన్న బాధలను ఈ చిత్రంలో మాధవన్ తెరకెక్కిస్తున్నారు.

షారుక్, సూర్య ముఖ్య అతిథిగా

రాకెట్రీ: ది నంబి ఎఫెక్ట్ చిత్రంలో షారుక్, సూర్య నటిస్తున్నారనే వార్త సినీ వర్గాల్లో చర్చనీయాంశమైంది. హిందీ వెర్షన్‌లో షారుక్, తమిళ వెర్షన్‌లో సూర్య కీలక పాత్రలను పోషిస్తున్నట్టు సినీ వర్గాలు పేర్కొంటున్నాయి. మాధవన్‌ రిక్వెస్ట్‌కు షారుక్, సూర్య గ్రీన్ సిగ్నల్ ఇచ్చినట్టు తెలిసింది. ఈ చిత్రం హిందీ, తమిళ, ఇంగ్లీష్ భాషలతోపాటు మరికొన్న భాషల్లో కూడా డబ్బింగ్ అవ్వనున్నది.

డైరెక్టర్‌గా మారిన మాధవన్

రాకెట్రీ: ది నంబి ఎఫెక్ట్ చిత్రానికి తొలుత అనంత్ మహాదేవన్ దర్శకుడు. మాధవన్ కో డైరెక్టర్‌గా పనిచేస్తూనే నటించాడు. కొన్ని క్రియేటివ్ డిఫరెన్సెసెస్ కారణంగా అనంత్ ఈ ప్రాజెక్ట్ నుంచి తప్పుకొన్నాడు. దాంతో దర్శకత్వ బాధ్యతలు మాధవన్ తీసుకొన్నాడు. కొన్ని పరిస్థితుల కారణంగా నేను డైరెక్ట్ చేయాల్సి వచ్చిందని మాధవన్ వివరణ ఇచ్చారు.

హీరోయిన్‌గా సిమ్రాన్‌కు అవకాశం

రాకెట్రీ: ది నంబి ఎఫెక్ట్ చిత్రంలో మాధవన్ సరసన సిమ్రాన్ హీరోయిన్‌గా నటిస్తున్నది. ఈ చిత్రానికి సీఎస్ సామ్ సంగీతం అందిస్తున్నారు. ఈ ఏడాది చివర్లో గానీ, వచ్చే ఏడాది ప్రథమార్థంలో ఈ సినిమా రిలీజ్ అయ్యే అవకాశాలు ఉన్నాయి.