ఈ సినిమా కూడా ప్లాప్ అయితే.. నేను సరైన హిట్ కొట్టి 15ఏళ్ళు అవుతోంది!

వెంటాడుతున్న పరాజయాలు

బాలీవుడ్ కింగ్ ఖాన్ షారుఖ్ కు పరాజయాల బెడద తప్పడం లేదు. గత కోనేళ్ళుగా షారుఖ్ నటించిన చిత్రాలు బాక్సాఫీస్ వద్ద దారుణంగా నిరాశపరుస్తున్నాయి. రాయీస్, ఫ్యాన్, దిల్ వాలే లాంటి చిత్రాలు తీవ్రంగా నిరాశపరిచిన సంగతి తెలిసిందే. ఇంతియాజ్ అలీ దర్శత్వంలో తెరకెక్కిన జబ్ హ్యారీమెట్ సెజల్ చిత్రం 90 కోట్ల భారీ బడ్జెట్ లో తెరకెక్కి కేవలం 60 కోట్ల వసూళ్లకు మాత్రమే పరిమితం అయింది.

జీరోపై భారీ అంచనాలు

ఎన్ని పరాజయాలు ఎదురైనా షారుఖ్ సినిమాల జోరు మాత్రం తగ్గడం లేదు. ప్రతి ఏడాది ఒకటో రెండో సినిమాలతో షారుఖ్ ఆడియన్స్ ముందుకు వస్తున్నాడు. విభిన్నమైన కథతో తెరకెక్కిన జీరో చిత్రంపై షారుఖ్ భారీగా ఆశలు పెట్టుకుని ఉన్నాడు. అభిమానుల్లో కూడా ఈ చిత్రంపై అంతే క్రేజ్ నెలకొంది ఉంది. తన కెరీర్ కు చాలా కీలకమైన చిత్రం గురించి ఓ ఇంటర్వ్యూలో షారుఖ్ ఆసక్తికర వ్యాఖ్యలు చేశాడు.

ఈ సినిమా ప్లాప్ అయితే

నేను అభిమానులకు సరైన హిట్ అందించి 15 ఏళ్ళు గడుస్తోంది. భారీ విజయం కోసం ప్రయత్నిస్తున్నాను కానీ కుదరడం లేదు అని షారుఖ్ తెలిపాడు. శుక్రవారం విడుదల కాబోతున్న జీరో చిత్ర ఫలితం ఎలా ఉండబోతోందో కూడా నాకు తెలియదు. వచ్చే ఫలితాన్ని నేను మార్చలేను. కాబట్టి సినిమాల ఫలితం గురించి తానెప్పుడూ బెంగ పెట్టుకొనని షారుఖ్ అన్నారు. జీరో చిత్రం ఫెయిల్ అయితే ఏమవుతుంది.. మహా అయితే 6 నుంచి 10 నెలల పాటు ఖాళీగా ఉంటాను అంతే అని షారుఖ్ అన్నారు.

నా నైపుణ్యం

నా నైపుణ్యానికి, నటనకు విలువ ఉన్నన్ని రోజులు సినిమా చేస్తూనే ఉంటానని షారుఖ్ తెలిపారు. ఆనంద్ ఎల్ రాయ్ ఈ చిత్రానికి దర్శకుడు. కత్రినా కైఫ్ ఈ చిత్రంలో మద్యానికి బానిసైన నటి పాత్రలో నటిస్తున్నట్లు తెలుస్తోంది. ఇక అనుష్క శర్మ సైంటిస్ట్ పాత్రలో కనిపించబోతున్నట్లు వార్తలు వస్తున్నాయి.