విజయ్ దేవరకొండే అనుకుంటే.. ఇతడు ఇంకా పిచ్చోడిలా ఉన్నాడే!

కబీర్ సింగ్

హిందీ రీమేక్ కు కబీర్ సింగ్ అనే టైటిల్ ఖరారు చేశారు. షాహిద్ కపూర్, సందీప్ వంగ జత కట్టడంతో అర్జున్ రెడ్డి హిందీ రీమేక్ పై భారీ అంచనాలు నెలకొని ఉన్నాయి. అర్జున్ రెడ్డి చిత్రం గురించి వినగానే ఈ చిత్రాన్ని చూశానని ఓ ఇంటర్వ్యూలో షాహిద్ కపూర్ తెలిపాడు. రిపీటెడ్ గా ఈ చిత్రాన్ని చాలా సార్లు చూశానని షాహిద్ తెలిపాడు.

వ్యసనపరుడిగా

అర్జున్ రెడ్డి చిత్రంలో విజయ్ దేవరకొండ గెటప్, నటన ప్రధాన ఆకర్షణగా నిలిచాయి. వ్యసనపరుడైన డాక్టర్ పాత్రలో విజయ్ దేవరకొండ మైమరపించేలా నటించాడు. గుబురు గడ్డం, చిందరవందర జుట్టుతో విజయ్ దేవరకొండ విభిన్నంగా కనిపించాడు. ఇప్పుడు ఇదే ఫార్ములాని తమిళ, హిందీ రీమేక్స్ లో వాడుతున్నారు.

మరీ పిచ్చోడిలా

డ్రగ్స్, మద్యం లాంటి వ్యసనాలకు బానిసగా విజయ్ దేవరకొండ నటన కొన్ని సన్నివేశాల్లో తీవ్రంగా ఉంటుంది. కబీర్ సింగ్ లో షాహిద్ కపూర్ నటన తీవ్రత ఇంకా ఎక్కువగా ఉండబోధ్నట్లు తెలుస్తోంది. తాజాగా కబీర్ సింగ్ లో షాహిద్ కపూర్ లుక్ వైరల్ అయి సోషల్ మీడియాలో చక్కర్లు కొడుతోంది. ఈ గెటప్ షాహిద్ కపూర్ కు బాగా సూట్ అయిందని అంటున్నారు. ఒక్క మాటలో చెప్పాలంటే షాహిద్ కపూర్ పిచ్చోడిలా కనిపిస్తున్నాడు. గుబురు గడ్డం, బాగా పీల్చుకుపోయిన ముఖంతో అతడి లుక్ చాలా ఆసక్తిగా ఉంది.

అర్జున్ రెడ్డిని మించేలా

ఇటీవల దర్శకుడు సందీప్ వంగ ఓ ఇంటర్వ్యూలో మాట్లాడుతూ.. అర్జున్ రెడ్డి కన్నా కబీర్ సింగ్ లో ఎమోషన్ మరింత బలంగా ఉండబోతోంది. అర్జునరెడ్డి చిత్రం అందించిన ఉత్సాహంతో కబీర్ సింగ్ ని మరింత ఆత్మవిశ్వాసంతో తెరకెక్కిస్తానని సందీప్ వంగ తెలిపారు. అర్జున్ రెడ్డి చిత్రం కేవలం 5 కోట్ల బడ్జెట్ తో తెరకెక్కి కళ్ళు చెదిరే లాభాలు తెచ్చిపెట్టింది. హిందీ రీమేక్ ఎలాంటి సంచలనం సృష్టిస్తుందో చూడాలి.