Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
‘జెర్సీ’పై బాలీవుడ్ హీరో ప్రశంసలు: వాళ్లందరికీ ధన్యవాదాలు చెబుతూ ఎమోషనల్
వరుస పరాజయాలతో బాధ పడుతున్న సమయంలో నేచురల్ స్టార్ నానిని మరోసారి హిట్ ట్రాక్ ఎక్కించిన చిత్రం 'జెర్సీ'. క్రికెట్ నేపథ్యంతో తెరకెక్కిన ఈ మూవీ సూపర్ డూపర్ హిట్ అవడంతో పాటు భారీ స్థాయిలో కలెక్షన్లు రాబట్టింది. దీంతో ఈ చిత్రాన్ని తమ తమ భాషల్లోకి రీమేక్ చేసుకోడానికి అన్ని ఇండస్ట్రీలకు చెందిన ఫిల్మ్ మేకర్లు హైదరాబాద్ క్యూ కట్టిన విషయం తెలిసిందే. ఇలాంటి పరిస్థితుల్లో ఈ సూపర్ హిట్ సినిమా హక్కులను సొంతం చేసుకుని జెర్సీని హిందీలోకి రీమేక్ చేస్తున్నారు తెలుగు నిర్మాతలు దిల్ రాజు, అల్లు అరవింద్.
ఎంతో ప్రతిష్టాత్మకంగా రూపొందుతోన్న హిందీ 'జెర్సీ'లో బాలీవుడ్ స్టార్ హీరో షాహీద్ కపూర్ హీరోగా నటిస్తున్నాడు. మాతృకను తెరకెక్కించిన గౌతమ్ తిన్ననూరి దీన్ని కూడా తెరకెక్కిస్తున్నాడు. ఇప్పటికే చాలా వరకు షూటింగ్ పూర్తయింది. ఈ సినిమా కోసం షాహీద్ కపూర్ కూడా చాలా కష్ట పడుతున్నాడు. ఒకానొక సమయంలో క్రికెట్ ప్రాక్టీస్ చేస్తూ గాయ పడ్డాడు కూడా. అంతలా కష్టపడి చేస్తున్న ఈ సినిమాపై తాజాగా అతడు ఓ ఎమోషనల్ నోట్ను విడుదల చేశాడు. అందులో చిత్ర యూనిట్తో పాటు కథపై ప్రశంసల వర్షం కురిపించాడు.
'జెర్సీ' మూవీ గురించి తన ఇన్స్ట్రాగ్రామ్ అకౌంట్లో 'కోవిడ్ సమయంలోనూ జెర్సీ షూటింగ్ను 47 రోజుల పాటు జరిపాం. క్లిష్ట పరిస్థితుల్లోనూ సినిమా కోసం కష్ట పడిన అందరికీ ధన్యవాదాలు. మీరు చేసిన కృషి వల్లే షూటింగ్ త్వరగా పూర్తయింది. ఇక, ఈ సినిమా కథ కూడా ఎంతో స్వచ్చమైనది. సరైన లక్ష్యం ఉంటే దేనికీ లొంగకుండా దానిని సాధించే వరకూ పొరాడడమే ఈ చిత్ర కథ. కరోనా విషయంలోనూ మనమందరం అదే ఫాలో అవుదాం' అంటూ చెప్పుకొచ్చాడు. ఇక, ఈ సినిమాను విడుదల చేసేందుకు నెట్ఫ్లిక్స్ ముందుకొచ్చినట్లు వార్తలు వచ్చిన విషయం తెలిసిందే.